Ásdís í Santa Barbara

Skógareldar, flutningar, softball, magadans o. fl.

2008-07-03T00:20:00.000-07:00

Jæja það eru víst enn á ný skógareldar hér. Í þetta sinn frétti ég það ekki af mbl.is eða mömmu heldur bara af því að ég leit út um gluggann! Já í um 5km frá húsinu mínu stendur heilt fjall í logum! Þegar ég kom heim í dag var rafmagnslaust (140þúsund manns urðu rafmagnslaus) og rafmagnið kom ekki á fyrr en 5 klst seinna (og bara af því að ég er í húsnæði á vegum skólans, allt hverfið í kring er enn án rafmagns). Þrátt fyrir að eldurinn sé ansi nálægt er ég langt frá þeim stað sem þeir hafa rýmt og líka þeim húsum sem þeir hóta að rýma hvað á hverju, svo ekki mikil hætta á ferð, bara rosa mikil aska út um allt. Við sjáum til hversu lengi það endist:)

Mynd tekin úr bílageimslunni minni.

Annars er lítið að frétta. Flutti nýlega í glænýtt hús, æði að hafa allt nýtt. Meðleigjendurnir eru líka cool. Nú svo er ég plötuð til softball lið, get nú ekki sagt að ég sé góð í því en það er gaman. Ég er fór líka í magadans áðan, geta mín þar er álíka glæsileg og í softball;) hehe

Skógarbjörn

2008-06-05T21:45:00.000-07:00

Þar sem Ösp óskaði eftir bloggi (fyrir óralöngu reyndar) kemur eitt stutt hérna.

Þegar ég vaknaði á laugardagsmorguninn voru tilkynningar á öllum húsunum í kring sem vöruðu við skógarbirni! Ég var nú nokkuð viss um að þetta væri djók en svo reyndist víst ekki vera (fjöldi fólks hefur víst séð til hans). Ekki hefur tekist enn að fanga björninn svo síðustu vikuna hefur eitt stykki skógarbjörn hlaupið um campus (og aðeins um 500m frá því sem ég á heima). Það er nokkuð um "villt svæði" á campus svo ég skil kannski hvernig hann getur falið sig þar en það er mér algjörlega óskiljanlegt hvernig honum tókst að villast í gegnum allan bæinn og enda hér! Vona að þeir nái að bjarga honum fljótt:)

Sigling, stíð og sporðdreki

2008-05-13T22:28:00.001-07:00

Það er alveg ótrúlegt hvað það virðist vera erfitt að skrifa á þetta blogg! Ég er alltaf að gera e-ð spennandi en frásagna gleðina (a.m.k. blogg version af henni) vantar:( Sumt kemst þó í gegnum stífluna;)

Um helgina fór ég sigla með vinum mínum. Einn vissi örlítið hvernig á að sigla en við hin tvö ekkert. Það tók smá tíma að koma seglunum upp sökum kunnáttuleysis en það stoppaði okkur ekki! Þegar út í var komið tókst svona líka vel að sigla - með vindi - en það sama er því miður ekki hægt að segja með á móti vindi;) Við værum líklegast enn úti á sjó (eða kannski hefði strandgæslan pikkað okkur upp;)) ef einn gaur sem sigldi fram hjá okkur hefði ekki áttað sig á því að við vorum ekki alveg í okkar besta standi og boðið okkur hjálp sína. Við komumst að lokum í land eftir að hann hrópaði á ca. 5mín fresti "allir í þennan enda bátsins og tosa í þetta reipi". Frekar fyndið eftir á, sérstaklega þar sem við þekktum annan strákanna ekkert og hann var bara í Santa Barbara til að sjá hvort hann ætti að koma hingað í postdoc. Eftirminnileg lífsreynsla fyrir hann, vona að hann haldi ekki að allir í SB séu svona klikkaðir;)

Sandra vinkona mín frá Líbanon fór heim til sín í síðustu viku í brúðkaup systur sinnar. Eins og flestir vita byrjaði víst borgarastyrjöld þar einmitt líka í síðustu viku! Brúðkaup systur hennar var því aflýst og Sandra var föst í Líbanon þar sem flugvellinum var lokað. Hún náði svo á endanum að flýja til Sýrlands (flestir vegir voru lokaðir (og engin leið að vita hverjum var lokað) og vopnaði menn vöktuðu þá, svo hún var mjög heppin að vegurinn sem þau völdu var opinn akkurat þegar þau fóru í gegn) og eftir tveggja daga ferðalag komst hún hingað! Sandra reyndi mikið að fá mig til að koma í brúðkaup systur sinnar, svona eftir á er ég fegin að ég lét ekki til leiðast. Sögur af stríði og þvílíku eru alltaf svo fjarri manni svo mér finnst það ótrúlega skrýtið þegar vinkona mín lendir allt í einu í svona!

Já og meðan ég man, um daginn fann í sporðdreka á gólfinu fyrir neðan rúmið mitt! Frekar skerí!

Hangikjöt og skafís

2008-04-05T17:23:00.000-07:00

Ekki alveg en nóg var af hangikjöti:) Já mamma kom í heimsókn um daginn og tók með sér hangikjöt svo ég ákvað að hafa alþjóðlegt matarkvöld. Mmmm ég er enn södd....
Við komumst að því að Íslendingar virðast vera meðal þeirra fáu þjóða sem skræla kartöflur eftir að þær eru soðnar en ekki áður
Þetta er víst heimagert íslenskt jólasalat skv. google og John
Og þetta er heimagert laufabrauð sem Chris gerði, það var reyndar ekki stökkt:)
Einnig var hellingur af öðrum MJÖG góðum mat hvaðan æva úr heiminum, nammi namm:)

Mexíkó

2008-03-30T17:47:00.000-07:00

Jæja það hlaut að koma að því, bloggandinn færist yfir:) E-rra hluta vegna er erfitt að finna hann hérna þegar Santa Barbara er bara orðin eins og heima og allt ósköp venjulegt e-ð:) Við fengum ekkert páskafrí frekar en venjulega en svo kom spring break. Þótt það sé nú ekkert sjálfgefið af maður fái frí í spring break þegar maður er bara í rannsóknum ákváðum við (Chris, Steve og Scott) að skella okkur til Mexíkóborgar að heimsækja Lauru:)

Ég hef eiginlega bara heyrt rosalega slæma hluti um borgina (rosaglæpir, ofurmengun, fólksmergð...) en varð algjörlega heilluð. Borgin er sambland af gömlum fallegum húsum og skemmtilegum nýjum húsum. Um alla borg eru skúlptúrar, útimarkaðir og fleira skemmtilegt. Það sem kom mér líka á óvart er hvað Mexíkóar hafa miklu líkari smekk og Íslendingar en Bandaríkjamenn. Þennan takkí stíll Bandaríkjamanna var hvergi að finna:)

Auðvitað eru líka fullt af fátækrahverfum og það skrýtna er að þau eru öll uppi í fjöllunum (a.m.k. hérna í Santa Barbara þykir voða fínt að búa uppi í fjöllunum). E-rra hluta vegna finnst mér þau líka heillandi! Fólkið er líka svo hugmyndaríkt að finna sér leið til að vinna inn peninga, þarna vann fólk við að gera hluti sem mér hafði aldrei dottið í hug að e-r gæti unnið við:) Fólk gekk á milli bíla á rauðu ljósi og seldi hina ýmsu hluti (ég sá líka gaur joggle með eld á rauðuljósi), tók þóknun fyrir að hjálpa fólki að bakka út úr stæði (sem þarf þar, af því að umferðin er ansi skrautleg) o.s.frv.

Umferðin er svo annar kapituli, þrátt fyrir að virðast mjög kaótísk virtust ekkert verða fleiri slys þar en annars staðar. Skil milli akgreina eru bara skraut (og allir taka fram úr á heilli línu, jafnvel þótt þeir sjái bíl á móti), ljós líka (maður flautar bara þegar maður fer yfir hvort sem það er á rauðu eða grænu) og helst verður maður að flauta á 30s fresti:) Ég held líka að um 30% bílaflota Mexíkóborgar séu bjöllur!:)

Ég hef nú ferðast tiltölulega víða og yfirleitt kaupi ég ekki mikið af mynjagripum en núna varð ég alveg heilluð og keypti hina ótrúlegustu hluti (endalaust mikið af skartgripum, leirflautur, útskorin hrafntinna, ótrulega flott skartgripaskrín o. s. frv.). Þetta var allt líka svo ódýrt!:)

Við fórum líka til borgarinnar Oaxaca. Það er líka ótrúlega falleg borg. Við gistum á hótel Súkkulaði sem var ótrúlega ódýrt og fínt hótel, að því undanskildu að þegar við vöknuðum daginn eftir mætti helst halda að það rynni líka súkkulaði í vatnspípunum! Frekar ógeðslegt, sérstaklega þar sem strákarnir föttuðu það ekki fyrr en þeir höfðu farið í sturtu;) hehe

Eitt það ótrúlegasta við þessa borg er hvað fólkið er lágvaxið. Vinkona mín er 153cm og mamma hennar sem er úr sama héraði og borgin er 147cm og þær teljast bara í meðalhæð! Flestar konur úti á götu náðu mér upp að rifbeinum og flestir karla náu mér upp að öxlum. Við stóðum því verulega út úr þegar við gengum um götur borgarinnar.

Við gerðum líka ýmislegt annað, fórum að sjá Teotihuacan píramídana, Frida Khalo safn, borðuðum engisprettur og orma, og leituðum að þónokkrum Geocachum (sjá geocach.com) svo fátt eitt sé nefnt. Maturinn (fyrir utan engispretturnar kannski;)) var himneskur, ekkert líkur mexíkóskum mat hér!

Ég var sko alls ekki tilbúin að fara heim en svona er lífið:) Ég fer sko pottþétt þangað aftur í bráð!:D Myndir fást á facebook, ég er bara alltof löt að setja þær inn á báða staði (tölvan mín er líka e-ð hæg núna, kannski ef ég hef rosamikinn frítíma bráðum, hehe)

Froskalappir, sniglar, superbowl og ofurkona!

2008-02-04T21:21:00.000-08:00

Þrátt fyrir að mér finnist ég hafi gert sem minnst síðustu daga þá hefur mér tekist að láta það allt vera mjög vel lukkað, svo það er frá mörgu að segja:)

Fór í júdó á laugardaginn og í superbowl party í gær og út að borða með Jonnu og Braga. Jonna og Bragi eru æðisleg, eins og að eiga afa og ömmu hérna í Santa Barbara. Þau tóku mig á voðafínan franskan veitingastað og ég fékk mér í fyrsta sinn snigla og froskalappir! Sósan var voðagóð og kjötið var líka gott en það var svolítið augljóst hvað ég var að borða svo það skemmdi pínu fyrir. En ég fékk líka lamb og ostaköku sem voru æði! Held ég þurfi ekki að borða út vikuna. Á flestum Bandarískum veitingastöðum er sjónvarp (og yfirleitt nokkur) og sérstaklega þegar það er superbowl. Þessi veitingastaður var hins vegar svo fínn að sjónvarpið vantaði! Bragi vildi endilega vita stöðuna í leiknum og bað einn þjóninn að tékka. Þjónninn tilkynnti okkur þá að allir kirkjuvinir hans væru að horfa á leikinn svo hann gæti kannski séð hver staðan væri. Nokkru seinna labbaði hann framhjá borðinu og laumaði mjög lúmskulega miða á borðið, en gekk áfram eins og hann hefði bara verið að labba fram hjá borðinu. Á miðanum stóð staðan í leiknum. Staðurinn var s.s. svo fínn að það varð að fara fínt í að bera fréttir af leiknum;) hehe við sprungum gjörsamlega úr hlátri þegar við áttuðum okkur á því hvað hafði gerst (kannski er þetta meira "had to be there" saga en:)).

Ég var að koma af fyrirlestri með ofurkonunni Lynne Cox. Hún hefur sent fjölmörg met í sjósundi, m.a. synti hún meira en mílu við strendur suðuskautslandsins bara í sundbol (sjórinn var við frostmark)! Hún synti milli Bandaríkjanna og Rússlands til að reyna að koma á sáttum í kaldastíðinu, líka milli Argentínu og Chile til að róa öldurnar þar. Hún hefur tvisvar slegið bæði karla og kvenna hraðamet í Ermasundi (innan við 10klst), og svo mætti lengi telja. Það fyndasta er að ef ég sæi hana úti í búð myndi ég bara halda að hún væri eins og hver önnur fimmtug kona. Hún var víst líka í UCSB hér á árum áður. En a.m.k. fyrirlesturinn hennar var magnaður, ekki bara af því að það sem hún var að segja frá eru náttúrulega ótrúlega afrek heldur líka af því að hún hefur rosalega frásagnarhæfileika og virðist vera mjög down to earth og indæl manneskja. Gaman þegar maður rekst á svona fólk sem er með háleit markmið og notar þau til að leiða gott af sér.

Hitt og þetta

2008-01-27T18:57:00.000-08:00

Jæja gert ýmislegt síðan síðast (er bara studnum stundum ekki í bloggstuði).

Fór á júdó æfingu! Já bjóst nú aldrei við að ég myndi gera það! En ég verð að mæla með júdó. Það er alveg ótrúlega gaman og erfitt! Þriggjatíma júdóæfing, rosa harðsperrur LENGI á eftir:)

Síðustu viku hefur rignt verulega mikið og það snjóaði m.a.s. uppi í fjöllunum. Þar sem það rignir ekki oft hér þolir campusinn ekki rigningu og allt fer á flot. Frekar ógeðslegt, sérstaklega þar sem ég þarf að hjóla eða labba í skólann á hvejum degi. Mér tókst líka að detta á hjólinu mínu, af því að göturnar eru úr efni sem verður mjög sleipt í rigningu! Smá kollhnís:)

Á fimmtudaginn var mér svo boðið að fara í heimsókn í RAND Corporation and Westside Foodbank útaf Fulbright. Ég ákvað að skella mér bara þrátt fyrir að það væri frekar mikið að gera. Ég leigði bíl með þremur Kínverjum sem ég hafði aldrei hitt áður og við keyrðum saman í fáránlega stórum jeppa til LA. Ég lærði helling um Kína á leiðinni, fullt sem ég hafði aldrei heyrt áður. Í heimsókninni heyrði ég svo allt um misnotkun á öldruðum, hvaða form hún getur tekið og hvað Kalifornía gerir til að sporna við henni. Við heyrðum líka um umferðina í LA og hvað þeir halda að hægt sé að gera til að minnka álagið.

RAND er bæði skóli og stofnun svo við hittum nokkra nemendur sem sögðu að til að vinna fyrir náminu þyrftu þeir að keppa um verkefni 24/7. Venjulegir starfsmenn þyrftu líka að vinna fyrir kaupinu sínu með því að keppast um verkefni innan stofnunarinnar. Ég veit ekki alveg hvort ég myndi vilja vera í svoleiðis vinnuumhverfi, hlýtur að vera mjög stressandi til lengdar.

Í matarbankanum vorum við látin pakka mat í kassa og sortera. E-r verslunarkeðja hafði keypt upp aðra og vildi ekki vörurnar í búðunum. Þeir skófluðu því bara úr hillunum ofan í "fiski"ker svo þar var samankrull af mat, dóti og snyrtivörum! Það var mjög skemmtilegt að gera e-ð svona allt öðruvísi í einn dag:)

Ég fór líka til tannlæknis í vikunni og hún sagði mér frá hinni undranýjung xylitol! Ég varð nú að játa að ég kannaðist aðeins við það;) E-rra hluta vegna er talað um það eins og e-ð alveg nýtt á nálinni hér. Hún sagði mér líka að það hefði verið fundið upp á Íslandi! Ég þorði náttúrulega ekki annað en að segja bara já og amen við því en efast samt stórlega um sannleiksgildi þess. Ég hef ekki hugmynd um hvar xylitol var uppgötvað en er næstum alveg viss um að ég vissi ef það væri íslensk uppfinning;) Við látum sko vita af svoleiðis;)

Ásdís og fræga fólkið

2008-01-17T22:04:00.000-08:00

Já hver haldiði að hafi vinkað mér áðan önnur en Hillary Clinton. Nú og í gær hitti ég friðarnóbelsverðlaunahafann frá árinu 2006. Nú og svo má ekki gleyma eiginhandaráritun sjálfs Arnolds. Maður bara "þekkir" alla þessa stórlaxa;) hehe

Ok þetta eru nú allt pínu ýkjur;) Eiginhandaráritun Arnolds var bara stimpluð á mastersskýrteinið. Ég var bara ein af 1000 áhorfendum í sal á fyrirlestri nóbelsverðlaunahafans og Hillary var nú kannski ekki að vinka mér persónulega og það hefði vissulega verið meira cool ef ég hefði farið á fundinn með henni. Til að komast á fundinn hefði ég hins vegar þurft að bíða í a.m.k. 6klst úti og satt best að segja nennti ég því hvorki né hafði tíma (það var alveg meira en nóg að frjósa úti í 2klst og sjá hana í 20m fjarlægð). Fyndið hvernig múgæsing getur haft áhrif á mann, mér er nefnilega nokkuð sama um hana og ekki vissi ég hver þessi nóbelsverðlaunahafi var fyrr en í gær. Arnold fer hins vegar ekki framhjá neinum;) hehe

Ps. Þetta er 100. færslan mín hérna!

Súkkan mín getur greinilega meira en ég hélt;)

2008-01-16T06:43:00.000-08:00

Gleðilegt nýtt ár! Veit að þetta kemur seint, en fæðing þessa bloggs tók bara pínu langan tíma;) Ég hef nefnilega ekki mikið að segja, eða kannski hef ég það, en er bara orðin svona vön öllu hér að mér finnst ekkert fréttvænt.

Í gær gerði ég hins vegar svolítið óvenjulegt:) Við ætluðum að spila hokkí en völlurinn var upptekinn. Einum vini mínum leiddist greinilega því hann vildi endilega gera e-ð í staðinn fyrir hokkíið. Það kom svo í ljós að hann á víst svona súkku eins og ég! Já, hún er reyndar án þaks og hliða í baksætinu (s.s. alveg opin!) og á upphækkuðum dekkjum. Við fórum því í e-ð drullusvað að keyra. Ég sver það við fórum torfærur sem ég hélt að enginn bíll gæti komist! Niður 80°brekkur og s.frv. Gott adrenalín kikk!:) Súkkan mín ætti því að geta meira en ég hélt!

Í dag ætla ég svo að fara á fyrirlestur sem einn nóbelsverðlaunahafi heldur. Hann stofnaði banka sem lána litlum fyrirtækjum í þriðja heiminum á mjög litlum vöxtum (ef ég skil þetta rétt, mun líklegast vita meira í kvöld). Þessi banki hefur víst algjörlega gjörbreytt sumum menningarsamfélögum. Þetta er eitt af því sem mér finnst skemmtilegt við UCSB, maður getur farið á svona áhugaverða fyrirlestra/tónleika yfirleitt frítt eða mjög ódýrt.

Gleðileg jól!

2007-12-23T13:59:00.000-08:00

Jæja rosalangt síðan ég bloggaði síðast, kenni rosa stressi síðustu mánuði um, en það er sem betur fer búið:D

Gæti skrifað helling hér (og var búin að hugsa e-ð rosa blogg) en nenni því bara ekki. Er komin heim í jólafrí og ætla að slappa sem mest af, og auðvitað hitta alla:) En s.s. gleðileg jól og hafiði sem best um jólin! Og vonandi næ ég að hitta sem flesta!

Hvaða hárgreiðsla fer mér best?

2007-10-27T18:09:00.000-07:00

Bara svona ef til þess kemur að ég þurfi að breyta til þá er gott að vita valmjöguleikana. Hvað fer mér best?

Sítt dökkt hár (þetta er Melissa, stelpan sem ég legi með)Hvað ef ég stytti það pínu?
En ef ég set pínu krullur í það?

Fæ mér appelsínubleikt hár?

Eða held mér bara við úfið ljóst hár?;)

Híhí en annars Halloween snilldardjamm sem vonandi verður endurtekið fljótt aftur!

Ég held þú hafi verið of lengi í Kaliforníu þegar....

2007-10-23T22:35:00.000-07:00

(Ösp bað um blogg svo hérna kemur eitt mjög andlaust blogg, mjög litað af því hvað ég hef verið upptekin síðustu daga: bara lært og synt.)

þér finnst það argasta ókurteisi að manneskjan sem tróð sér á brautina "þína" hafi ekki spurt um leyfi fyrst (það komast víst bara tveir fyrir á hverri braut, því ekki er hægt að synda í hringi!).
þú mannst ekki hvenær þú sást e-rn synda bringusund síðast, hvað þá skólabaksund.
þér finnst ekkert skrýtið að sextugi karlinn í sundi sem þú þekkir ekkert byrji að tala við þig og endurtaki í sífellu hvað honum finnist gaman að hitta á þig
þú ert hætt að kippa þér upp við aðdáun annarra þegar þú segist ætla að fara að synda þegar það er dimmt og bara 15°C.
þú nennir ekki að taka með sér sjampó og annað dót í sund, svo þú hjólar bara heim í blautu bikiníi.
það er frekar regla en undantekning (og þú skerð þig ekki úr fjöldanum)
þú ákveður líka að koma við í búðinni þrátt fyrir að þú sért í blautu bikiníi og mjög ljótum stuttbuxum yfir.
þú kaupir oft mat í ofurheilsubúð sem selur bara organic, vegan mat sem ræktaður er í nánasta umhverfi.
þú fréttir af því sem er að gerast í nánasta umhverfi fyrst á mbl.is (þar með taldir skógareldarnir sem eru víst hér í suður Kaliforníu).
þér er alveg sama þótt það sé hitabylgja og ert samt inni á skrifstofu allan daginn
þér er alveg sama þótt þér sé kalt af því að þú veist að það verður heitara á eftir
þér finnst ekkert erfitt að vakna á morgnana
en þér finnst samt pínu óþægilegt að þú skulir vakna af sjálfsdáðum áður en það er orðið bjart af því að þá er klukkan of snemmt!
þér finnst e-ð vanta þegar þú segir bara hæ (eins og t.d. how are you)
og þú vilt helst klína nafni þess sem þú talar við á eftir hverri einustu setningu
það veldur þér verulegu hugarangri að vera ekki búin að finna búning fyrir Halloween.
þér finnst æði að Halloween sé á miðvikudegi því þá er hægt að halda upp á það bæði helgina fyrir og helgina eftir;)
þú hjólar allt sem þú ferð og mannst varla hvar bíllinn þinn er lagður
það líða því nokkrir mánuðir á milli þess sem þú fyllir á bílinn (og það kostar innan við 2000kr að fylla tankinn)
þú ert hætt að kaupa þér föt sem kosta meira en 2000kr enda er annað bara bruðl;)
ég gæti eflaust haldi endalaust áfram ef ég væri ekki svona þreytt, svo þetta verður að duga;)

Ég vil taka það fram að þetta á ekki allt við mig en óþægilega mikið samt:S

Hafiði e-rn tíman séð fjólubláa papríku áður?

2007-10-02T20:53:00.001-07:00

Ekki ég a.m.k., en hún er bara ágæt á bragðið:)

Ösp í heimsókn

2007-09-28T14:37:00.001-07:00

Jæja kominn tími á blogg (hvað ætli ég hafi byrjað margar færslur á þessari setningu?:)).

Ösp kom í heimsókn og það var æði. Vildi helst ekki sleppa henni þegar hún varð að fara:( Við gerðum helling bæði skemmtilegt og annað frekar fyndið svona eftir á séð! Átum á okkur gat (einn ís á dag) og versluðum óhemjumikið (ég a.m.k.). Fórum líka í skrautlega ferð til "bay area" (nánari sögur fást aðeins með formlegri umsókn í tölvupósti;) eða hjá Ösp). Nú svo fórum við á alla helstu staði í LA: HogM, Hollywood, Rodeodrive, Mulholland drive, Beverly Hills og Cheesecake factory. Myndir segja meira en nokkur orð:)

Ösp e-ð ekki sátt við sjóinn, enda er hann ískaldur:)

Fundum þetta eftir að e-r fór að tala um hvað húðvörurnar frá Íslandi væru æðislegar! Hafiði heyrt um þetta áður?

Ströndin niðri í bæ

Ösp fannst þetta fyndin mynd, a.m.k. mikil fjölbreytni í bargestum. Verst við náðum ekki mynd af gamla karlinum sem var bara í jakka og nærjum.

Í Berkeley

Súpan var reyndar góð en rosalega leit hún illa út!

Kann ekki að snúa myndinni við:( en rosasæt mynd af Ösp og ostakökunni frá Cheesecakefactory

PS. Ef e-r kann (og vill kenna mér) að setja video inn þá á ég eitt fáránlega fyndið video af okkur Ösp. Það er aðallega fyndið af því við héldum að við værum að taka mynd og hegðum okkur í samræmi við það:)

Ögrun

2007-09-17T19:59:00.001-07:00

Takk fyrir allar hamingjuóskirnar!

Ég er löngu búin að komast að því að til að halda geðheilsu verð ég að ögra sjálfri mér reglulega. Ég á það nefnilega til að ákveða að ég geti bara ekki e-ð þótt ég hafi aldrei prófað það. Í þessari viku hef ég verið óvenjulega duglega að "ögra" sjálfri mér.

Á fimmtudaginn skipti ég um olíu og olíusíu á bílnum mínum. Aldrei hélt ég að ég myndi gera það! Eftir á séð, skil ég ekki afhverju maður fer alltaf með bílinn í smurningu fyrir ofurfé þegar þetta er svona ótrúlega létt og ódýrt ef maður gerir það sjálfur!

Í dag keppti ég í sjósundi við vin minn. Það hefur staðið til í meira en ár en alltaf höfum við fundið e-a leið til að fresta því. Sjórinn er mjög kaldur (ekki eins kaldur og heima en u.þ.b. 15°C (djúpalaugin heima er yfirleitt 29°C)), svo kaldur að mann svimar ef hausinn fer ofan í. Við syntum til enda hafnarinnar og til baka (um 900m) og það var bara erfitt (vegna kulda) fyrstu 100m. Ég vann vin minn og núna þarf hann að gefa mér ís:)

Nú svo fór ég í hokkí á línuskautum (og stefni á að gera það einu sinni í viku). Allir strákarnir eru hálfgerðir pró en ég hafði aldrei prófað línuskauta áður! (ef frá er talið þegar ég var 14 ára reimaði skóna á, reyndi að standa upp en lofaði svo sjálfri mér að gera þetta aldrei aftur (svoleiðis loforð verður maður að svíkja:))). Hef ekki dottið hingað til, en er auðvitað eins og asni við hliðina á þeim, en það er líka allt í lagi:)

Ösp kemur svo á morgun í heimsókn, get ekki beðið!

Grand Canyon, Hoover Dam og master

2007-09-10T16:02:00.000-07:00

Jæja skilaði mastersritgerðinni minni á fimmtudaginn. Það tók fáránlega langan tíma að prenta hana út (ansa LateX, jpeg drasl;)) en það hófst þó. Skólinn gaf mér að launum eftirfarandi límmiða auk þess sem ég fæ eiginhandaráritun frá Arnold Schwarzenegger, ekki slæmt;) Þið sjáið á pennanum hvað límiðinn er fáránlega stór, ætli e-r lími þetta á bílinn sinn?

Um helgina fór ég svo í Grand Canyon og stoppaði á leiðinni í Hoover Dam. Ég held ég hafi aldrei séð jafn mikið kraðak af rafmagnstaurum. Allir hölluðu þeir þvers og kruss, gaman að koma þarna samt:)

Grand Canyon stóð svo sannarlega fyrir sínu. Það er hálfóraunverulegt að horfa þarna yfir, þetta er svo gígantískt stórt og fallegt. Við gengum niður gljúfrið þar til við sáum Colorado ána og snérum svo við. Þetta voru ekki nema 20km, nánast allt þverhnípt og hitinn ekki nema 40°C og sól;) Ég er nokkuð viss um að fyrst mér tókst þetta á 6klst og 40mín (uppgefinn tími er 9-12klst.) get ég gert allt!;)

Löbbuðum að endanum á þessum göngustíg
Sáum loksins Colorado ána
Og smá sönnun fyrir að ég var þarna:)

Við gistum á hóteli í klukkutíma fjarlægð frá gljúfrnu (af því að öll tjaldstæði voru full:S ) í bæ sem heitir Williams, Arizona. Það var frekar sorglegur bær, svona svolítið eins og yfirgefnir bæir í bíómyndunum. Það eina sem bærinn virtist þrífast af var að Route 66 fer í gegnum hann og ALLAR búðir þar seldu mynjagripi tengda því, auk þess sem allir veitingastaðirnir þarna stæltu sig af því að Elvis hefði einu sinni borðað þar:)
Það er í rauninni alveg út í hött að fara í helgarferð í Grand Canyon, þar sem heill dagur fer í ferðarlag hvora leið (við keyrðum samtals 2220km á þremur dögum! og fórum í 3 fylki). Við skemmtum okkur hins vegar konunglega við á leiðinni, stoppuðum oft til að borða ógurlega óhollan mat (eins og Godiva súkkulaðiköku á Cheesecake factory) og tókum fullt af myndum af eyðimörkinni:) Held samt að ég haldi mig við styttri ferðir á næstunni;)

Fréttir sméttir

2007-09-03T20:55:00.000-07:00

Síðasta helgi var löng helgi hérna, þótt ég hafi að mestu verið að vinna í dag. En það er bara af því að ég gerði helling skemmtilegt um helgina:)

Á föstudaginn bjó ég til pönnukökur fyrir vinahópinn og endaði það í ofurumræðum um femínisma. Þar datt líka e-um í hug að leigja 11 manna bíl daginn eftir til að fara til LA:) Ég bjóst aldrei við að við myndum framkvæma það (þar sem við hefðum vel getað farið á tveimur bílum) en daginn eftir stóð þessi rosa "rúta" fyrir utan!:)

Bíllinn góði:)

Í L.A. fórum við í Getty (verð að fara þangað aftur, ótúrlega flott og allt ókeypis), á líbanskan veitingastað og búðarrölt í Santa Monica. Mjög skemmtileg ferð:)

Mæli með líbönskum mat!

Á sunnudaginn fórum við svo til Morro Bay og leigðum kajaka. Kom á óvart hvað það er ótrúlega gaman, verð að fara á kajak aftur:)

Kletturinn sem Morro Bay er þekktur fyrir

Það er e-r hitabylgja í gangi hérna og vá hvað það var heitt í dag!:)

Kominn tími á blogg!

2007-08-26T19:29:00.000-07:00

Jæja hef ekki bloggað í langan tíma! Er (löngu) komin aftur út eftir ansi vel heppnað og algjörlega lífsnauðsynlegt frí á Íslandi. Það er ótrúlegt hvað svona frí geta haft góð áhrif á mann! Heima fór ég meðal annars í mjög vel heppnað brúðkaup, gæsun, sá litlu dúlllurnar hennar Írisar, í Húsafell, Grímsey, Kjöl og Mývatnssveitina o.m.fl. ofurskemmtilegt.

Síðan ég kom út hef ég nú ekki heldur setið auðum höndum. Ég er búin að skila MS ritgerðinni til prófdómaranna (bíð bara eftir að þeir lesi yfir og segji hvað má betur fara). Nú svo hef ég siglt, surfað, farið í fjallgöngu, kveikt bál í fjörunni, farið í blak, tónleika í LA, fengið mér Godiva ostaköku á Cheesecake factory, farið í nokkur grill party o.fl..

Bráðum flytur svo meðleigjandi svo inn, það verður gott að hafa e-rn annan í íbúðinni, pínku einmanalegt hérna:( Veit að ég get ekki búist við að hún verði eins þægileg í umgengni og Morgane en maður verður nú að vona það besta:)

Klukkiklukk

2007-08-05T14:21:00.000-07:00

Jæja Bjarnheiður klukkaði mig svo ég verð að segja átta hluti um mig sem koma á óvart eða fólk veit ekki... dettur lítið í hug... reyni samt...

Þegar ég var lítil ætlaði ég að verða fimm barna einstæð móðir. Helst vildi ég líka vinna á leikskóla. Pínku klikkað barn...
Þegar ég var lítil átti ég leikfanga bíl sem maður gat setið á. Skemmtilegast fannst mér að bakka og beygja í leiðinni, fannst það e-ð öfugsnúið. Eins og ég sagði pínku klikkað barn...
Ég get verið algjör púki stundum en hef þó aðeins mildast með aldrinum:) Freyja lenti iðulega í því að ég gaf henni myglaðan mat og þá sérstaklega drykki þegar hún kíkti í heimsókn þegar við vorum yngri. Myglaða Smintið er líka eftirminnilegt, hjá þeim sem í því lentu;)
Mér finnst gaman að fljúga, jafnvel núna þegar ég þarf að fara í 3 flugvélar í samtals 12-24 klst til að komast milli Santa Barbara og Íslands. Mér finnst hins vegar ekki eins gaman að festast eins og virðist gerast í 50% tilfella:S Ég held að þessi flugáhugi minn stafi af því að bróðir minn hræddi mig svo mikið í flugum þegar ég var lítil. Hann sagði t.d. að það væri múrveggur við enda brautarinnar og allir þyrftu að hjálpa flugmanninum með því að þrýsta á fótskemlana svo við myndum ekki klessa á hann:)
Ég er ógurlega þrjósk og ef ég hef tekið ákvörðun er mjög erfitt að fá mig ofan af henni. Ég er samt sem betur fer tiltölulega skynsöm svo flest reddast yfirleitt:)
Ég er háð Extra tyggjói með eucalyptus, en það vita reyndar flestir. Var einmitt að kaupa 8 karton til að hafa með mér út:)
Ég hlusta ekki mikið á tónlist og hef lítið vit á henni. Ég á það hins vegar til að fá æði fyrir e-u lagi og hlusta þá á það aftur og aftur OG aftur í þónokkuð langan tíma! Eins og litlu börnin, aumingja meðleigendurnir mínir!
Ég er algjörlega háð því að tékka reglulega (þá á ég við á nánast 5mín fresti þegar verst lætur) á emailinu mínu og facebook. Leiðindaávani!

Klukka Hiddu, Þórhildi, Helgu, Rakel, Þóru og Rástu (ég veit að það er búið að klukka sumar áður en þær eru ekki búnar að svara).

Phoenix....

2007-07-07T14:26:00.000-07:00

... er eflaust ágætis staður en ég vildi samt frekar að ég væri í flugvél á leiðinni til Minneapolis. Já í þriðja sinn í röð! missti ég af tengiflugi vegna "veðurs" (það var ekki einu sinni þoka!). Ég lenti í Phoenix akkurat á sama tíma og ég átti að fara í loftið, svo ég hljóp u.þ.b. 2km að gate-inu og horfði á vélina bakka út úr stæðinu:( Pirrandi og ég kem því ekki heim fyrr en 9. júlí:S Ég er farin að þekkja þennan flugvöll eins og handarbakið á mér en þó ekki næstum því eins vel og Las Vegas flugvöll, gaman gaman eða ....

Annars hefur lítið gerst, nema 4. júlí var haldinn hátíðlegur hérna. Grill á ströndinni, flugeldar og smá seglskútuferð (vissi ekki að það væri svona gaman að sigla). Verð nú að segja að flugeldarnir voru ágætir þótt við getum náttúrulega kennt þeim helling á því sviði;)

Hlakka til að hitta ykkur öll!

Helgar report:)

2007-06-26T11:13:00.000-07:00

Jæja þá er enn önnur helgin liðin. Hún var nú bara nokkuð skemmtileg. Grill hjá Zach vini Jóns af því að Jón er að klára. Grillið endaði svo í rosalegu partyi!:D Þarna voru gaurar frá Gana og Jamica sem gátu ekki staðið kyrrir ef spiluð var tónlist. Nokkuð gaman nema ég held ég hafi fengið lífstíðarskammt af Bob Marley:) Oddgeir var líka í essinu sínu, þóttist vera frá Gambíu;) En fólk sem þekkir hann ekki veit ekki alveg hvað það getur verið fyndið!

Daginn eftir var sólstöðu skrúðganga hér. Bryan plataði mig í sjálfboða vinnu þar (já ég veit ekki hvað kom yfir mig:) en ég var samt bara í einum sölubásnum þar). En það var bara mjög gaman. Til að taka þátt í skrúðgöngunni þurfti greinilega bara viljann, því þarna voru ungabörn, fólk í hjólastólum, ellilífeyrisþegar og svo auðvitað líka þrælvant skrúðgöngufólk (sem virðist flakka á milli staða bara til að vera í skrúðgöngum). Þeir sem á horfðu voru að mestu yfir áttrætt en stöku barn sást þarna líka. Ég fann mér einn aðdáanda í Rite Aid sem sagði að ég liti út eins og Rickie Lee Jones (fyrir þá sem vita ekki hver hún er (þar á meðal ég) http://rickieleejones.com/). Þessi áttræði maður var hins vegar svo elskulegur að segja að ég væri þó örlítið unglegri;)

Sumir voru spenntari en aðrir, mættir nokkrum klukkutímum fyrir með garðstólana:)

VIP áhorfendur:)

Sunnudagurinn fór svo í þrif og flutininga. Ég hef aldrei á ævi minni séð jafn margar silfurskottur og köngulær!

Appú

2007-06-16T18:22:00.000-07:00

Jæja nú eru öll próf búin og við tekur að skrifa mastersritgerðina. Í hverfinu er aragrúi af krökkum að flytja, og er rúm ofan á öðrum hvorum bíl:) Því miður þýða annalokin líka að helmingur vina minna eru að fara aftur heim til Evrópu, þar á meðal Morgane:( Það er því mjög einmanalegt í íbúðinni núna og ég hef ekki hugmynd um hvenær ég mun sjá hana aftur! Ég verð að fara til Frakklands fljótlega, sundæfingabúðirnar fyrir 9 árum (úff hvað ég er gömul!) gáfu greinilega ekki rétta mynd af Frakklandi:)

Svona dagsdaglega er ágætt að búa í Bandaríkjunum en öðru hverju koma upp hlutir sem minna mann afhverju heima er best:) Ein franska stelpan hérna fékk botnlangakast um daginn og varð að rífa hann út. Fyrir tæplega 2 sólarhringadvöl á sjúkrahúsinu fékk hún $29.000 (1.8milljónir kr.) reikning! Tryggingarnar bjóðast til að borga 80% en tæplega $6000 eru samt heldur stór biti að kyngja! Vonandi fær hún e-a undanþágu af því að þetta var neyðartilfelli.

Heim

2007-06-05T09:09:00.000-07:00

Jæja þá er það komið á hreint. Kem heim 8.júlí og fer aftur út 7.ágúst. Mig langar ótrúlega að ferðast um landið í sumar, e-r memm?

2007-05-30T22:46:00.000-07:00

Kominn tími á blogg. Mikið gerst, enda ansi langt síðan ég hef skrifað hér. Ég er hins vegar með gullfiskaminni og svo ég hef gleymt flestu, híhí.

Morgane hélt upp á afmælið sitt með snilldar klisju-frönsku partyi. Mjög skemmtilegt.

Síðasta helgi var svo löng hérna (ég veit hún var líka löng heima, reyndi að monta mig við mömmu en...:S) og fórum við að því tilefni til San Diego. Það var mjög skemmtileg en fyndin ferð. Ég var sú eina sem ekki kunni frönsku svo 80% af tímanum var töluð franska. Nú svo var bara hlustað á franskt rapp í bílnum (7 tíma á leiðinni þangað (asna umferð) 3 tíma á leiðinni til baka). Í San Diego var djasshátíð sem hafði aðeins farið fram hjá okkur. Við pöntuðum náttúrlega ekkert hótel áður en við lögðum af stað og minnstu munaði að við þyrftum að gista öll 5 í bílnum! Sem betur fer náðum við samt eftir mikla leit að finna eitt herbergi með tveimur queen size rúmum og þurftum við öll að hola okkur inn í það.

Á mánudaginn fór ég í göngutúr á ströndinni og rakst á pínku lítinn og ofurkrúttaðan sel sem var greinilega veikur og yfirgefinn:S Hann skalf af kulda og forðaðist sjóinn eins og heitan eldinn. Frekar sorglegt, held samt að e-r hafi hringt í animal center dæmi.

Í gær var Jón Eyvindur að verja doktors ritgerðina sína og að því tilefni var farið á djammið. Snilldardjamm og ekki oft sem maður kemur heim klukkan 2 á þriðjudagsnótt (hérna er það m.a.s. afrek að koma heim 2 um helgar;)).

Annars er bara allt á fullu hérna:S Þarf að fara að kaupa miðann minn heim. Get verið í 3-4 vikur, hvenær finnst ykkur að ég ætti að koma? Er búin að ákveða að 28. júlí verður að vera innan þeirra marka samt. Hugmyndir vel þegnar:)

Occupation 101

2007-05-16T09:39:00.000-07:00

Sá heimildarmyndina occupation 101 í gær. Mæli með að allir fari á hana þegar hún kemur til Íslands. Myndin fjallar um átökin milli Palestínu og Ísrael og er mjög átakanleg. Eins og flestir vita eru Bandaríkin miklir stuðningsmenn Ísraels svo allar fréttir hér eru litaðar af því. Þessi mynd er hins vegar alveg út frá Palestínu hliðinni (þótt talað sé við nokkra Ísraelsmenn sem eru á móti stefnu síns lands) og líklega e-ð sem bandaríkjamenn þurfa að sjá. Ég átti hins vegar erfitt með að skilja hvernig slík grimmd getur blossað upp án þess að vita neitt um hina hlið málsins. Myndin er líka örlítið mikið miðuð inn á bandaríkjamarkað (og það gildismat sem hér skiptir mestu máli) en slíkt má líta fram hjá. Að öðru leyti held ég að þetta sé mynd sem allir hefðu gott af að sjá!

Eftir myndina voru svo mjög heitar pallborðsumræður. Spurningarnar komu m.a. frá bandarískum gyðingum sem voru ekki á eitt sáttir, fyrrum ísrelskum hermanni á Gasaströndinni og aröbum frá löndum í kring. Sumar spurningarnar voru mjög málefnalegar en því miður fóru sumir bara út í skítkast og réttlætingar á borð við að þetta væri allt í lagi þar sem til væru aðrar þjóðir/aðstæður sem væru ekkert betri. Áhugavert kvöld engu að síður.

Á mánudaginn var svo afmælið hennar Morgane. Fórum út að borða í tilefni þess og maturinn var mjög góður. Veit nú ekki alveg hversu sátt ég var með músina undir borðinu okkar né viðbrögð eigandans þegar við bentum á hana. Honum virtist nokkuð sama (ekkert brugðið) og sagði BARA til að róa okkur að hann myndi hringja í meindýraeyði daginn eftir! Ætli mýs séu bara normið?

Kosningavaka, lyklar og fleira

2007-05-13T11:07:00.000-07:00

Jæja komið að hinu vikulega bloggi:)

Hér er lítið að frétta, sápan stigmagnast eins og venja er og ég veit ekki hvar hún á eftir að enda. Mér tókst svo í vikunni að týna lyklunum mínum. Þeir eru a.m.k 5kg og ég hef ekki hugmynd um hvernig mér tókst að týna þeim. Á kippunni voru bíllyklar, hjólalyklar, skólalyklar (sem kostar $60 að skipta um), húslyklar (sem kosta $150 að skipta um) o.fl. Eftir að hafa labbað í skólann í viku og skilið íbúðina eftir ólæsta (og treyst á skrifstofufélagana að opna fyrir mér þar) komu lyklarnir þó sem betur fer í leitirnar. Annars hefðu þetta verið frekar dýr mistök. Ég er að hugsa um að festa þá við mig með ól í framtíðinni:)

Kippan góða

Svo fann ég loksins gott jógúrt hérna. Það minnir á skyr (a.m.k þegar maður er hinum megin á hnettinum) en heitir organic, non fat, plain, European style yogurt. Mér finnst skyr þjálla:)

Annars voru Íslendingarnir hér auðvitað með kosninga"vöku". Alltaf gaman að hanga með Íslendingum og kosningarnar voru mjög spennandi. Mjög sátt við sumt ekki jafn sátt með annað en svona er lífið:) Við sendum póst á Þórhall og Elínu, tvisvar, og erum frekar ósátt með að hún hafi bara minnst á að fólk í Kaliforníu hafi verið að horfa (en ekki tilgreint að við værum í Santa Barbara). Mér finnst Santa Barbara a.m.k toppa Berlín en viðurkenni að Suðurskautslandið toppaði okkur;) híhí...

Sápa

2007-05-06T17:41:00.000-07:00

Valla benti mér á um daginn að umhverfi mitt væri farið að líkjast sápuóperu óþæglilega mikið. Kannski viðeigandi þar sem áður fyrr var einmitt sápa nefnd Santa Barbara. Engar áhyggjur þó, ég er í algjöru aukahlutverki í sápunni:D

Daginn eftir fór ég svo í bókabúðina og fann þessa líka skemmtilegu bók.
Mæli með henni ef fólk vill hlæja, heldur dýr samt fyrir minn smekk. Miklu betra að setjast bara niður í búðinni og glugga í gegnum hana;)

Ég heyrði svo lag með Lay Low í síðasta þætti af Gray's Anatomy. Nokkuð cool:)

Brynja og Björk:)

2007-04-29T22:29:00.000-07:00

Jæja þá er enn önnur annasöm en skemmtileg helgi á enda:D

Á föstudaginn fórum við Morgane ásamt fleirum á tónleikahátíðina Coachella þar sem Björk og Brynja voru að spila saman. Ég þurfti að halda fyrirlesturinn í kúrsinum sem ég er aðstoðarkennari í svo við gátum ekki lagt af stað fyrr en eftir það:S Við tók 5 tíma keyrsla í rosalegri umferð og 40°C! En það var nú samt allt þess virði! Við sáum Amy Winehouse, Rufus Wainwright og svo auðvitað Björk og Brynju (og fullt af fleiri hljómsveitum sem ég veit ekkert hvað heita;)). Ég er nú ekki mikið Bjarkarfan en hún er mögnuð á tónleikum!!!

Amy Winehouse og fyndnustu dansarar í heimi

Náði að hitta Brynju örstutt fyrir tónleikana

Var of langt frá sviðinu til að ná góðri mynd af Brynju en þarna er hún lengst til hægri:)

Við keyrðum svo heim sama kvöld og komum ekki heim fyrr en kl. 6:30 um morguninn. Ég var búin að ákveða að keyra með Jóni Eyvindi til LA að kjósa klukkan 10 daginn eftir svo það var ekki mikið sofið:S Kosningaferðin var hins vegar hin mesta skemmtun, Íslendingar eru bara svo fyndnir og skemmtilegir;)

Þar sem það er frekar yfridrifið að keyra í 2 tíma til að kjósa (bandarísku vinum mínum finnst ég klikkuð að leggja svona mikið á mig til að kjósa) og keyra svo í aðra tvo heim, ákváðum við að reyna að gera e-ð meira úr þessari ferð. Við fórum á bókamarkað þar sem ég fann fullt af bókum og fleiru á skít og kanil. Svo borðuðum við í kóreuhverfinu í LA. Það var frekar skondið. Fyrst ætluðum við að skipta einum rétt á milli okkar en gengilbeinana sagði bara nei, brosti og gekk í burtu! Nú þegar við ákváðum svo tvo rétti sagði hún okkur að það væri mjög slæmur díll, við ættum miklu frekar að fá okkur e-ð annað um leið og hún setti tangir og skæri á borðið okkar (ég veit ekki hvað við áttum að gera við þessi skæri). Það endaði svo á að við borðuðum salat (10%) og kjöt (90%, held að ég þurfi ekki meira kjöt út vikuna) en það var mjög bragðgott.

Fann þetta spil á markaðnum og ég held ég viti af hverju það kostaði bara $5.

Einn vinur minn átti svo afmæli á laugardaginn og það var "caveman party" að því tilefni, læt myndir fylgja, híhí.

Skemmtileg helgi

2007-04-22T16:05:00.000-07:00

Eða a.m.k. þá var hún fáránlega fljót að líða:S

Gerði nú s.s. ekki mikið nema í gær fór ég í útilegu. Þar sem það var spáð rigningu og þegar það rignir hér, rignir eins og helt sé úr fötu (og ég vildi helst ekki enda líf mitt með því að drukkna í tjaldi) ákvað ég að keyra til baka í gær. Útilegan var til heiðurs afmælis eins þýsks stráks hérna og var teknó rave efst á óskalistanum. Núna er ég er því algjörlega heilaþvegin af teknó:S

"Útilegan" var þó nokkuð skemmtilegt, sérstaklega eftir að við fundum vatnsbyssurnar og stíðið byrjaði. Því miður endaði það þó á því að allir voru á móti mér!:S Ég tek því hins vegar sem ég hafi verið svona rosalega góð að þeir réðu bara ekki við mig:D Það er kannski þess vegna sem einn fór að veifa kaktus í kringum sig og því miður hitti hann mig á frekar slæmum stað. Dagurinn hefur því einkennst af sársauka og kaktusnálaleit:S Meira seinna:)

Ojj bara

2007-04-17T17:51:00.000-07:00

Í gær var mér bent á að í Bandaríkjunum er oft notuð "partially hydrogenated oil" af því að hún er ódýrari og fljótandi við stofuhita. Þessi olía er bönnuð í Evrópu þar sem hún er mjög hættuleg (miklu verri en náttúruleg fita, nánari upplýsingar á
http://www.treelight.com/health/nutrition/PartiallyHydrogenatedOils.html ). Margir telja að það megi kenna henni um miklu hærri tíðni hjartasjúkdóma í Bandaríkjunum en annars staðar.

Þar sem kransæðastífla og annað því tengt er ansi algengt í ættinni ákvað ég að komast að því hvort e-ð af því sem ég væri að borða hefði þessa olíu. Bjóst eiginlega við að þetta væri bara í ódýra óholla matnum. En nei, nánast hver einasti hlutur í eldhúsinu mínu inniheldur e-ð af þessari olíu! Jafnvel þeir sem voru merktir "no transfat"(sem ég hélt að ætti að covera þessa tilbúnu fitu). Héðan í frá les ég alltaf utan á næringarleiðbeiningarnar áður en ég kaupi e-ð!

Viðburðarrík helgi

2007-04-16T08:46:00.000-07:00

Jæja nú er enn ein helgin að baki. Á föstudaginn leit út fyrir að helgin yrði róleg, ekkert planað, en svo varð ekki raunin.

Á laugardaginn átti einn af bestu vinum mínum hérna afmæli og af því tilefni fórum við að surfa:D Allt of langt síðan ég hef farið! Nú það var ekki nóg, svo við fórum líka út að borða. Daginn eftir reyndum við svo að fara að sigla og aftur út að borða. Veit nú ekki hvort þetta var allt til að halda upp á afmælið en ... gaman samt:)

Siglingaferðin var fyndin. Það var nefnilega mjög mikið rok, jafnvel á íslenskan mælikvarða og stákarnir eru ekkert alltof sjóaði í siglinum. Einn gaurinn fór út á bátnum sínum, hvolfdi honum þrisvar og endaði á að stranda honum svo! Við hjálpuðum svo afmælisbarninu að gera hinn bátinn kláran. Sem betur fór fundum við aldrei alveg út hvernig seglin áttu að vera því annars væri ég örugglega e-rns staðar úti á hafsjó núna. Við skemmtum okkur hins vegar konunglega að berjast við seglin, hlaupa á eftir fjúkandi björgunarvestum og blindast af öllu sandfokinu (var mjög sátt við linsurnar þá, eða þannig). Þegar ég kom heim var sandur ALLS staðar (eyru, nef, augu...), sólarvörnig sá til þess að hann festist vel og vandlega!

Vinir mínir hérna plötuðu mig til að skrá mig í fótbolta liðið þeirra (ég veit, ég kann ekki rassgat) og hefur því síðast vika einkennst af ströngum æfingum. Á fyrstu æfingunni, í fyrsta sparki tókst mér að rústa á mér löppinni (ekki spyrja mig hvernig, ég er greinilega orðin of gömul fyrir þetta). Fyrsta keppnin er í kvöld, það verður skrautlegt;)

Nokkrir Alþingismenn eru að koma í heimsókn til Santa Barbara (sjá http://mbl.is/mm/frettir/innlent/frett.html?nid=1265029). Að því tilefni býður skólinn okkur í morgunmat með þeim. Það verður örugglega gaman, svolítið fyndið að vera samt frá Íslandi. Er nokkuð viss um að ef ítalskir þingmenn koma hingað, verður ekki öllum ítölskum nemendum boðið í morgunmat. Gaman þegar maður fær svona sérmeðferð bara af því að maður er íslenskur;)

Páskaegg!!!:D

2007-04-06T18:40:00.000-07:00

Jibbí!!!;) Mamma sendi mér páskaegg og það var bara að koma inn um lúguna:D Það brotnaði pínu sem þýðir bara að það er einfaldara að stelast í smá fyrir páskadag án þess að neinn fatti;)

Annars er eins ópáskalegt hér og verið getur. Í dag er til dæmis föstudagurinn langi og allri haga sér bara eins og venjulega! Og það er sko ekkert frí:S Gleðilega páska, þ.e. þið sem fáið frí!

Þóra takk fyrir að áframsenda það með hraðpósti!:D

Spring break í Seattle

2007-04-02T19:33:00.000-07:00

Jæja eins og Ösp (og reyndar Bjarnheiður líka) benti á er kominn tími til að blogga.

Við Valla fórum í Spring break til Seattle að heimsækja Tuma. Það var ótrúlega gaman, borgin skemmtileg og nóg að gera. Tumi takk fyrir okkur!

Byrja á myndum og svo máli, fyrir allra dyggustu lesendur:)

Kirsuberjatrén á campus

Útsýnið yfir borgina, tveimur blokkum frá heimili Tuma!
Valla og svínið fyrir framan markaðinn, við settumst báðar á það en þær myndir eru annars staðar:)

Tumi fórnaði bíllyklinum fyrir Prince Polo

Mary Frances og Valla á karíókíbar

Kolólögleg mynd, a.m.k. elti campus löggan okkur lengi eftir að við sátum á merkinu!
Við rákumst á þennan tyggjóvegg, endalaust margar tyggjóklessur.Verð bara að setja þessa mynd því það tók 7 tilraunir að fá "almennilega" mynd. Í bakgrunninum er líka uppáhalds gosbrunnurinn minn, hann breyttist með tónlistinni sem varð til þess að ansi margir urðu blautir!:)

Og í orðum:
Við fórum á fiskimarkaðinn, í geimnálina, skoðuðum foss nálægt, sædýrasafnið, fundum Prins Polo (eftir nokkra klukkutíma leitJ), versluðum, borðuðum, versluðum, borðuðum, versluðum (ok ég var víst mun duglegri í þeirri deild), o. fl..

Fórum líka á body exhibition þar sem alvöru uppstoppuð lík eru til sýnis. Það hljómar kannski ekki spennnandi og jafnvel hálfógeðslegt en reyndist svo vera hið gagnstæða. Þar sem byrjað var á beinagrindum og svo smátt og smátt bætt meiru á fannst mér a.m.k. þetta bara áhugavert og ekkert ógeðslegt. Reykinga- og berklalungun fannst mér þó hræðileg, en litlu fóstrin sem voru fáránlega mannalega alveg frá 9 vikum áhugaverðust. Mæli með að allir sem komast fari!

Við Valla gerðum líka ýmislegt sem flestum myndi ekki detta í hug að við tækjum upp á. Þar stendur upp úr klipping hjá konu sem varla talaði ensku (nema í svona frösum sem hún hafði lært utan að) og var með grænar strípur. Betur fór en á horfðist (reyndar veit ég ekki alveg hvernig það getur talist að særa rétt neðan af hárinu þegar meira en 10cm eru teknir af!). Konan plataði okkur líka til að fá djúpnæringu sem var dýrari en klippingin sjálf. Þessi sama næring átti að gera e-ð allt annað fyrir mig en Völlu, undranæring!?!

Nú er fríið búið og ný önn að byrja. Hún lítur bara ágætlega út, sérstaklega kúrsinn sem ég á að kenna. Ég þarf ekki að fara yfir nein heimadæmi né próf!!!:D.

Ég var svo vitlaus að fara í boot camp áðan:S Þegar 20mín voru liðnar af tímanum hafði nánast liðið yfir mig 5 sinnum! Ef gaurinn hefði ekki tekið eftir því að meiri hlutinn var að bugast og hægt aðeins á, hefði ég án gríns bara dáið (var sko of þrjósk til að fara út).

Þóra frænka í heimsókn

2007-03-22T12:52:00.000-07:00

Jæja nokkuð langt síðan ég bloggaði síðast, enda mikið að gera.

Þóra frænka var í heimsókn í síðustu viku og að því tilefni reyndum við að gera e-ð skemmtilegt þótt við værum báðar alveg á haus í verkefnum og prófum. Við fórum t.d. í vínsmökkun, til L.A. að skoða hús fræga fólksins, Rodeo drive, Hollywood, Santa Monica, Venice Beach, H & M (þar sem ég missti mig pínu), strandblak og oft oft út að borða;). Ótrúlega skrýtið þegar hún fór, var greinilega orðin of góðu vön, orðin háð því að geta alltaf talað við e-rn og það á íslensku:D Hún ætlaði nú samt aldrei að komast á leiðarenda vegna flugrugls (átti að fara á sunnudaginn og þeir sögðust bara geta tryggt henni far á fimmtudaginn og ekki borga hótel allan þennan tíma!) en það fór þó aðeins betur en á horfðist í fyrstu.

Þóra í Hollywood

Við frænkurnar á Cheesecake Factory

Var bara að klára síðasta verkefnið mitt og flýg eftir 2,5klst til Seattle. Við Valla erum alveg að fara yfir um í skipulagningu eða þannig. Erum jafnvel meira á síðasta snúningi en við Ösp vorum þegar við fórum til Berlínar;) Við erum ekki búnar að plana NEITT og varla búnar að tala við Tuma! En ég efast ekki um að við finnum samt helling skemmtilegt að gera:) Blogga um það seinna!

Vatnssmökkun

2007-03-04T09:02:00.000-08:00

Einn vinur minn fann íslenskt vatn úti í búð í Colorado. Það er ekki eins algengt hér eins og á austurströndinni (ég hef aldrei séð íslenskt vatn hér) og honum fannst það alveg ótrúlega merkilegt. Vatnið heitir Reyka sem er sagt þýða gufa, ég veit ekki með ykkur en mér finnst e-ð vanta inn í þetta nafn:)

Nú þar sem ég lofa allt íslenskt í hásterkt þá vildi hann að ég smakkaði nokkrar tegundir af vatni til að sjá hvort ég gæti fundið út hvað væri íslenska vatnið. Í boði var

Kranaklórvatn
Filterað vatn
Íslenska vatnið
Annað flöskuvatn

Klórvatnið fann ég strax með því að lykta, filteraða vatnið var með skítabragð/vott af klór og hin tvö voru góð en ekki eins. Eina ástæðan fyrir að ég fattaði hvað var það íslenska var að hitt var kaldara og ég vissi að það var úti í bílskúr:) Stákarnir voru frekar svekktir að ég skildi fatta rétt hvað allt var (enda finnst þeim aumingjaskapur að drekka vatn úr flösku). Það sem mér fannst mest sláandi var að þeir fundu ALLS EKKI lyktina af klórvatninu og ENGAN bragðmun á neinu! Svona er maður of góðu vanur:)

Verður maður ekki að láta vita af sér;) híhí

2007-02-27T07:26:00.000-08:00

Enn ein helgin liðin. Mér finnst dagarnir fljúga núna.

Alla helgina var ég á framhaldsklettaklifursnámskeiði. Það var mjög gaman, get reyndar ekki sagt að ég hafi neitt sérstaklega fílað "bouldering" sem er klettaklifur án allra öryggisráðstafana. Hélt mig mjög nærri jörðu þegar við fórum í þann part. Nú þarf ég bara að vera duglega að æfa mig í veggnum og eignast fullt af vinum sem fara út í náttúruna að klifra (og eiga allan búnað, hehe). Eða bara halda mig við vegginn;)

Annars er mest lítið að frétta. Þóra frænka ætlar koma í heimsókn þegar hún er í spring breaki, hlakka mikið til. Svo ætlum við Valla að heimsækja Tuma í Seattle þegar við förum í spring break, hlakka líka mikið til þess.

En nú þarf ég að fara að læra:)
PS. Heiðdís, hvaða karfa er það og hvernig endaði hún í skottinu þínu? virkar mjög spes;) híhí

Viðburðarrík helgi:)

2007-02-19T12:49:00.000-08:00

Jæja nú er helgin búin:S Frí í dag samt, þökk sé forsetanum (veit reyndar ekki hverjum og hver sagan er að baki). Helgin var nokkuð viðburðarrík og hitabylgjan vel þegin:). Á föstudaginn kveiktum við eld á stöndinni og "elduðum" fondú, og á laugardaginn "hjóluðum" við uppi í fjöllunum (sökum lausamalar og vaða, breyttist hjólaferðin fljótt í fjallgöngu með hjól í eftirdragi!)

Eins og sést var hjólið bara fyrir

Þegar ég kom hingað eftir jólafrí tók ég með mér frosið lambalæri. Í gær ákvað ég því að hafa matarboð. Ég kann ekkert að elda svo ég var með mömmu á línunnu nánast stanslaust síðustu 3 daga. Eldamennskan gekk hins vegar vonum framar: lambið, graflaxinn, súkkulaðimúsin og marenstertan og jafnvel sósan gerðu lukku:)

Lærið góða:)

Graflaxinn, það voru nú ekki allir til í að borða hráan fisk en nokkrir létu sig hafa það:)

Eftirrétturinn, ok ég veit þetta er ekki í fókus:)

Vinur Morgane kom í gær og síðan hann kom hef ég bara eldað og þrifið. Hann hefur því mjög brenglaða mynd af því hver ég er, enda bað hann mín þrisvar í gær. Þegar fór að líða á daginn komst hann samt að því að konur sem BARA elda og þrífa eru ekkert voða skemmtilegar svo ég held ég hafi misst sénsinn, æ æ híhí.

Vinir mínir sem ég gat leigt með í haust ákváðu að prenta út plaggöt með fyndnum myndum af vinum sínum og núna er plaggat (stærra en ég sjálf) af mér í eldhúsinu þeirra. Frekar krípí, sérstaklega þar sem ég er með hatt og af svipnum að dæma gæti ég verið 3. flokks klámmyndastjarna (þessi mynd slær samt sem betur fer ekki út fáránleikamyndirnar). Ég læt sem mér er alveg sama, held það sé besta trixið til að fá þá til að taka það niður sem fyrst!

Mest lítið

2007-02-12T14:43:00.000-08:00

Jæja, hér hefur lítið gerst nema þetta venjulega. Læra og reyndar eitt kokteil partý um helgina þar sem allir áttu að vera í sínu fínast pússi:) Ágætistilbreyting frá casual stuffinu hérna.

Við Morgane í partyinu

UCSB setti á fót heilsu átak fyrir starfsmenn þess og fengum við TA-arnir að vera með. Við eigum s.s að labba um með skrefamæli alla daga (og fáum e-r bjánaverðlaun ef við stöndum okkur vel). Eftir að hafa haft mælinn á í 3 daga hef ég komist að því að ég er kyrrsetumanneskja með meiru! Helst eiga skrefin að vera 10000 á dag til að viðhalda heilbrigði en fari þau undir 5000 telst maður kyrrsetumanneskja með tilheyrandi sjúkdómahættu. Í gær klukkan 4 var ég komin með 600 skref! Ákvað því að fara úti í 3klst göngutúr (ok ég stoppaði í búðinni líka) og rétt marði þá 11000 skref! Ég er reyndar ekki alveg viss hvers vegna ég stend mig svona illa í þessu: hvort það er af því að mælirinn er ekki rétt upp settur (og ég get líka ekki haft hann með mér í sund), öfgunum í Bandaríkjamönnum (s.s mörkin eru langt frá því að vera marktæk) eða einfaldlega leti;) Hvað haldið þið?

Ég lent í einu tryllt fyndnu áðan. Ok ég var pínu kvikindi;) Einn skrifstofufélagi minn er þýskur og annar talar þýsku. Áðan datt þeim í hug að fara að tala um ástarmál þess þýska sem er á leið heim. Til að enginn skyldi þá fór samtalið auðvitað fram á þýsku og ég sat og hlustaði á öll herlegheitin (djúsi stöff hehe) þar til hann mundi allt í einu eftir að ég kann smá þýsku:) hehe hann hefur verið mjög vandræðalegur það sem eftir er dagsins en ég meina ekki bað ég þá um að ræða þetta beint fyrir framan mig:)

Klettaklifur!

2007-02-03T21:02:00.000-08:00

Vá ég er alveg búin á því! Í dag var ég fór ég nefnilega á klettaklifursnámskeið:) Nú veit ég loksins hvernig binda á áttuhnút (eða ein Achtknoten (er sko ekki viss hvað hann heitir í íslensku en alveg 100% með þýskuna, þeir sem tóku þýsku í 10.bekk skilja mig vonandi:))). Ég mæli alveg hiklaust með þessu og er jafnvel að velta því fyrir mér hvort ég á að taka framhaldsnámskeiðið.

Afskaplega fagmannleg, híhí.

Dagurinn byrjaði heldur snemma (6:30) og þegar við komum að klettinum, ætlaði ég að snúa við. Svo ætlaði ég bara að fara hálfa leið upp. Ég endaði nú svo á að fara þrisvar alla leið upp á topp og jafnvel í eitt af þessum skiptum hala mig alveg sjálf niður (það er frekar skerí að vita að ef ég sleppti myndi ég bara falla alla leið niður (og þegar klettaveggurinn varð ójafn fór maður að sveiflast til vildi helst nota báðar hendur til að stýra sér, en já ég komst heil á höldnu niður)). Læt bara fullt af myndum fylgja:)

Sönnun fyrir því að ég komst upp á topp:)

Þetta voru ekki nema 90 fet, eða 27,5m.

Hópurinnn eftir velheppnaðan klifurdag!

PS. Þessi "klettaklifursbelti" (e. harness) eru alveg hræðilega óaðlagandi!

Guðdómleg flatbaka, eða hvað!?

2007-01-23T15:53:00.000-08:00

Hér er mest lítið að frétta. Önnur hálfklikkaða helgin liðin en núna var ekkert planað fyrirfram, gerðist allt bara óvart. Við TA-arnir (aðstoðarkennararnir) tróðum okkur í afmælisparty nokkra nemenda og var nánast hent út þar sem strákarnir voru að henda boltum í allt og alla. Maður hefði nú haldið að við ættum að vera þessi sem kynnum a.m.k. aðeins að hegða okkur, en nei við vorum þau einu sem urðum til vandræða í afmælinu.

Þá var ákveðið að fara heim til okkar Morgane og endaði það með að einn heimtaði að fá að baka pizzu. Þá fyrst byrjuðu herlegheitin. E-u var sullað í skál og átti að heita brauð. Næst var sósunni dreift út með skítugum puttunum auk þess sem einn gaurinn sem hafði verið að laga bílinn sinn fyrr um daginn (með tilheyrandi tjöruskít) stakk puttanum í deigið. Grænmetið var svo skorið á mjög svo skrautlegan hátt (á tættar leifar eftir inni í ísskáp). Ég ákvað þó að láta mig hafa það og prófa pizzuna. Þegar minnstu munaði að ég borðaði límmiða sem gleymdist að taka af papríkunni gafst ég þó upp! Eftirköstin voru Morgane og ég, með æluna uppi í koki.

Miðað við upplýsingar á bjork.com verður hún að spila í CA á tónlistarhátíðinni Coachella 27. - 29. apríl. Þar sem Brynja verður að spila með henni verður maður nú að drífa sig!:) Hefur e-r annar áhuga? Kíkið endilega á http://www.coachella.com/.

Mögnuð helgi!

2007-01-16T10:33:00.000-08:00

Já þetta hefur verið mjög skemmtileg og fullbókuð helgi.

Á laugardaginn hélt ég upp á afmælið mitt í annað sinn, hehe. Þegar maður verður 25 ára þarf maður nefnilega að halda almennilegt party fyrir alla vini. Minnir óneitanlega á þegar maður var yngri og hélt eitt fyrir bekkinn, annað fyrir fjölskylduna og stundum enn annað fyrir aðra vini;) Kannski er ég gengin í barndóm á ný;)

Íbúðin okkar Morgane var alveg full, og ilmaði af hákarl. Púkinn í mér kom vel í ljós þegar ég hló af öllum sem kúguðust yfir hákarlinum (sérstaklega þegar ég játaði svo að ég hef aldrei smakkað hann sjálf). Mér til mikillar undrunar kláraðist hákarlinn samt og sumum fannst hann m.a.s. góður!

Partyið var að mínu mati þrælskemmtilegt, ýmislegt sem gerðist þar er samt svolítið "had to be there" fílingur svo ég ætla ekkert að rekja smáatriðin:)

Þar sem allir hér eru svo ofurkurteisir að ef manni dettur í hug að segja að boð sé til 2 fara allir ekki seinna en eina mínútu í 2 ákvað ég að segja að partyið væri til 7 um morguninn. Keppnisskapið í nokkrum efldist við þessa yfirlýsingu. Baráttan var erfið en nokkrir stóðust hana samt og voru ofurstoltir af afrekinu! Ég held ég verði að draga þetta fólk á djammið heima!

Á sunnudaginn (eftir maraþon þrif) fórum við svo í náttúrulega heita lind sem er hérna uppi í fjöllunum. Vegurinn þangað var hræðilegur, 1,5 klst af 180°beygjum á hálfrar mínútu millibili, og til að bæta gráu ofan á svart breyttist vegurinn allt í einu í þvottabrettismalarveg með vaði. Á leiðinni þangað var ég búin að lofa sjálfri mér að fara aldrei þangað aftur. Loforðið gleymdist þó fljótt þegar ofan í var komið, og ótrúlega flottur stjörnubjartur himininn blasti við.

Í gær var svo frídagur, þökk sé Martin Luther King. Björn Birnir tók mig með sér að surfa og það var ekkert smá gaman. Gott að hafa e-rn svona til að drífa sig af stað því ég var svo þreytt í gær að ég hefði örugglega legið uppi í rúmi allan daginn ef þetta hefði ekki verið fyrir fram planað.

S.s. ofurskemmtileg helgi, endurnærð andlega en vá hvað ég væri alveg til í að bæta einum enn auka degi við bara til að sofa!

Og aftur föst!

2007-01-10T19:15:00.000-08:00

Hér kemur önnur hrakfallaferðasagan!

Flugið til NY var örlítið seint en ég náði nú samt í næsta flug í tæka tíð. Frekar fyndið samt að ég hljóp þarna fram og til baka á vellinum og endaði svo í "geiti" sem var við hliðina á íslensku vélinni sem ég var að koma úr. Hefði nú alveg viljað "ruglast" á vélum þar sem mér fannst fríið á Íslandi helst til stutt.

Mér finnst samt mennirnir í innflytjendadæminu alltaf svo fyndnir. Maður býst alltaf við e-um stífum týpum sem myndu senda mann beinustu leið í fangelsi ef maður reyndi að vera "fyndinn" eða e-ð, en þeir reynast yfirleitt vera akkurat andstaða þess. Einu sinn lofaði einn að koma í heimsókn til mín fljótlega en þessi núna var öllu meira umhugað hvort það væru virkilega ekki neinir "brothers" á Íslandi. Það hlyti bara að vera e-ð "súkkulaði" að finna þar. Ef gaurinn hefði ekki sjálfur verið svartur hefðu flestir tekið þessu sem argasta kynþáttahatri.

En nú var náttúrlega snjóstormur í Colorado sem varð til þess að flugið mitt frá NY til Vegas seinkaði og ég missti af vélinni til Santa Barbara. Dvölin í Vegas hefði nú kannski verið í lagi ef ég hefði ekki átt að mæta í skólann daginn eftir (og mæta á mikilvægan fund) auk þess sem ég var með mikið af mat í töskunni. Já ég var með frosið lambalæri, frosna ýsu, skyr og ab - ost og það var náttúrulega hvorki frystir né ísskápur á hotelinu:S Þar sem þetta var Vegas var samt alveg nóg af klakavélum og ég fyllti baðkarið af klökum til að reyna að bjarga matnum. Fiskurinn hélst nú samt ekki frosinn svo ég er með ýsu í ÖLL mál þessa vikuna. Mér sem finnst ekki einu sinni fiskur góður. Þetta er kannski góð afeitrun frá jólunum:)

Annars ætla ég að halda upp á afmælið mitt hérna úti um helgina, löng helgi svo það ætti að vera gaman:) Vonandi að ég nái þessari flugferðaþreytu úr mér, ég er greinilega orðin gömul;)

Obboslega gömul, híhíhí;)

2007-01-05T05:29:00.000-08:00

Já í dag varð ég ofsalega gömul, Svanhildur varð reyndar 11 árum eldri líka í dag svo ég get alltaf huggað mig við það;) Það versta er samt að mér líður eins og ég sé miklu, miklu, miklu yngri, híhí;) Hafiði e-rn tíman heyrt þetta áður?;)

Þegar ég var að æfa sund komst ég að því að eftir að komið væri í stúlkna aldursflokk var næsta stig ekki til nema að garparnir væru teknir með. Maður kemst samt ekki í garpana fyrr en maður er orðinn alveg 25 ára. Mér fannst þetta náttúrulega út í hött, hver væri í e-u sundformi svo gamall!?! hehehe... ég vil nú a.m.k. halda í þá von að ég sé enn í pínu formi;)

En að öllu væli ólöstuðu þá held ég að ég fari í skemmtilegra mál. Party í kvöld (5. jan) klukkan 9, Neshaga 10, 3. hæð. Vona að ég sjái sem flesta þar:)

Brjálæði! en gott að vera komin heim:D

2006-12-20T12:39:00.000-08:00

Já ég held að ekkert annað orð eigi betur við síðustu 4 daga en brjálæði!

Ég vaknaði 7 á sunnudagsmorguninn ofurstressuð að klára verkefnið. Það tókst nú ekki alveg en því var skilað klukkan 4:45 um nótt, frekar illa gert (eina einkunnin sem ég á eftir að fá og hjálp veit ekki hvort ég vil kíkja:S). Á hálftíma varð ég að pakka, ganga frá húsinu og fara í sturtu. Ofan í töskuna fór aðallega óhreinn þvottur (ráð mömmu til að spara tíma;) því ekki náði ég að gera neitt svoleiðis fyrir brottför) og e-ar jólagjafir, allt í hrúgu. Ef ég verð í halló fötum um jólin er það af því að ég gleymdi öllum fötunum mínum!

Þá var haldið út á Santa Barbara flugvöll, afskaplega hress. Ekki vildi þó betur til en það var ísing á vélinni (trúiði mér núna að það er kalt á næturna í Santa Barbara?) og flugvélagið mitt átti ekki afhrýmingartæki svo það þurfti að bíða eftir að sólin kæmi upp og bræddi ísinn! Þetta varð til þess að ég næstum missti af vélinni í Pheonix. Þegar ég kom til Boston var ég hins vega orðin nokkuð viss um að þetta ætlaði að allt að hafast þrátt fyrir slæma byrjun. En nei, ég hitti Óttar og Þórólf sem sögðust hafa átt að fara daginn áður en vélarbilun varð til þess að þeir þurftu að vera einum degi lengur í Boston. Og viti menn, eftir að hafa beðið á flugvellinum í 8 klst. tókst þeim loksins að komast að því að flugvélin væri enn biluð og þeir sem höfðu beðið í einn dag fengju okkar flugvél. Svo við vorum send upp á hótel. Þetta var nú ekki alslæmt, rosa flott hótel, frír matur og ég náði að kaupa allar jólagjafirnar:) Fyrst ég náði líka að hitta Freyju á flugvellinum og láta hana fá jólagjöfina hans Henriks þá varð nú ekki mikill skaði að (nema ég missti náttúrulega af partyinu hennar Freyju).

Ég á hins vegar örugglega eftir að vera MJÖG þreytt næstu daga. Fyrst var ég vakandi í 36 tíma, svaf 6 klst. vakti í 32 tíma, svaf í einn vakti í 3 og svaf svo í 4. Er núna eiturhress en það verður örugglega ekki lengi. Ég þarf svo að halda fyrirlegstur í vinnunni á morgun sem ég hef ekki haft tíma til að undirbúa mig undir, og bíllinn minn er bilaður:S Yess stætó rúlar, hehehe;)

Verð samt að játa að ferðasagan mín nær aldrei að verða jafn spennandi að ferðasagan hennar Rástu!

Fótbolti, jólagjafir og brjálað að gera

2006-12-07T22:07:00.000-08:00

Jæja University of California, Santa Barbara urðu um daginn Bandaríkjameistarar í fótbolta. Já alvöru fótbolta, ekkert ruðningsrugl:) Veit hins vegar ekki hvað það segir mikið um getu þeirra. Þeir eru a.m.k. bestir af ... já kannski ekki alveg þeim allra bestu en...:)

Ég veit ekki hvernig ég á að klára allt sem ég að eftir að gera! Ég þarf að gera ansi erfitt lokaverkefni, heimapróf (sem reyndist vera 8 dæmi en ekki 2 eins og ég vonaði), fara yfir 10 dæma heimadæmi frá 120 nemendum, sitja yfir lokaprófi og fara yfir það. Allt á einni viku! Yess. Nú svo þarf ég kannski að kaupa e-ar jólagjafir til að eyða ekki fimmfalt meiri pening í það en nauðsynlegt er.

Nú til að bæta gráu ofan á svart varð ég svo veik. Veikindin sönnuðu að líðanaminni mitt er á við gullfiskaminni. Hverjum sem var óglatt fyrir 5 mín dettur í hug að fá sér myntur? Og já hverjum (hvort sem hann er veikur eða ekki) dettur í hug að fá sér 100 myntur!? Mæli ekki með því!

Nú til að klára jólagjafapakkann ætti ég kannski að leita á heimasíðu ABC (eins og þeir bentu mér góðlátlega á í tölvupósti rétt áðan). Þar er hægt að fá marga góða hluti: Dancing with the stars DVD (serian er mjög spennandi þegar maður veit hver vinnur, fullt af "mjög" frægum stjörnum sem ég hef barasta aldrei séð áður (Jerry Springer var sá eini sem ég þekkti og eini sem kunni ekki að dansa)), gervitrúlofunarhring sem ein sögupersónan í einni framhaldsþáttaröðinni fékk (aldrei heyrt um þennan þátt samt), fötin sem smekklausa Ugly Betty klæðist og síðast en ekki síst skurðlæknabúninginn úr Grey´s Anatomy sem passar báðum kynjum. Er þetta ekki efst á óskalistanum ykkar? Nú fyrir áhugasama er heimasíðan http://abctvstore.seenon.com/index.php?v=abchol&pa=holidayemail_DH. Ekki láta þetta fram hjá ykkur fara, ókeypis heimsending.

Ok ég held að það sé komið nóg af þessu steikta bloggi;) Aldrei blogga aftur veik og yfir mig stressuð.

Thanksgiving, mús og brjálað að gera

2006-11-30T13:25:00.000-08:00

Um síðustu helgi var þakkargjörðarhátið hér í Bandaríkjunum. Kollegi mömmu sem býr í Riverside (um 100km inn af LA) bauð mér að eyða helginni með þeim hjónum og stórfjölskildu. Það var mjög gaman, fékk að kynnast alvöru amerískri Thanksgiving (jafnvel þótt Wilfred sé breskur og Lola áströlsk þá eru börnin þeirra bandarísk) og hitta litlu barnabörnin þeirra (sem er sko ágætis tilbreyting frá því að umgangast bara fólk á aldursbilinu 20-30 ára). Ég ætla fylgja nýjast blogg trendinu og láta bara myndir fylgja;)

Lola ofurkokkur, eldaði ofan í 20 manns.

Wilfred, Joey og Barritt að hlaupa upp fjallið í bakgarðinum. Wilfred hleypur upp fjallið á hverjum einasta degi!

Dúllu krakkarnir Barrit, Zoe, Joey og Zachary (eða Jackary eins og Barritt kallar hann;))

Ég (svona til að sanna að ég var á staðnum, þetta eru ekki bara myndir af e-u fólki sem ég fann á netinu;)) og John (sem var alltaf kallaður the baby þótt hann sé eins árs, sé fyrir mér á Íslandi ef það væri venjan þar líka, hvað myndu börn vera kölluð? ungabarnið?lilli/a? óvitinn? krakkinn? veit ekki)

Á leiðinni heim frá Riverside stoppaði ég í molli í Beverly Hills sem var með H&M og fleiri góðar búðir. Ekkert alltof góð hugmynd svona eftir á séð;) Váhá hvað ég missti mig:S Til að seðja samviskubitið, skellti ég nokkrum jólagjöfum með (en þær náðu ekki einu sinni upp í 40% af því sem ég keypti, úbbs).

Í gær fjölgaði enn og aftur í íbúðinni okkar Morgane. Ekki var það froskur í þetta sinn heldur mús sem var föst inni í flúorljósinu í eldhúsinu okkar. Hef ekki hugmynd um hvernig hún komst þangað né hvert hún fór. Því í morgun þegar við vöknuðum var hún farin. Mér fannst e-rn vegin betra að vita þó a.m.k. hvar hún var en þessi nýi meðlegjandi er greinilega hvorki sammála né smavinnuþýður!

Hjólatúr um vínekrurnar og alvöru piparsveinn:) hehe

2006-11-18T22:39:00.001-08:00

Í dag ákváðum við að hjóla um vínekrurnar. Sumir enduðu reyndar á að tjalda þar líka en ég ákvað að vera skynsöm og fara bara að hjóla. Magnaður dagur og ég læt nokkrar myndir fylgja.

Fékk far með Ali (eins og þið sjáið hafa bílar lengra líf hér en heima). Við tókum eina vitlausa beygju og það var ekki aftur snúið við urðum að fara upp á 4500 feta fjall áður en við gátum snúið við. Flott útsýni svo ég kvarta ekki, hver vill líka ekki fara í smá torfærur á svona klassa bíl;)

Ali og bíllinn góði.

Útsýnið á toppi fjallsins sem við fórum óvart upp á.

Ég með "fallega" hjálminn sem ég keypti, treysti einfaldlega ekki alveg bílstjórum eftir nokkar vínsmakkanir!

Hinir í hjólatúrnum, ég var sú eina sem neitaði að vera í gulum bol.

Eitt stóð nú líklega upp úr (eða það fannst Moiru a.m.k.) við hittum hinn eina sanna Bachelor Andrew Firestone. Hann "bjargaði" okkur frá litlu músinni sem vildi ólm vera með í vínsmökkuninni:) Læt mynd af goðin fylgja ef fólk er ekki að kveikja (það hljóta samt flestir að vita hver það er;)).

Aldrei of seint að skrifa jólasveininum, er það nokkuð?

2006-11-14T10:56:00.000-08:00

Scott sem er hérna í vélaverkfræði var að spyrja mig út í íslensku jólasveinana. Ég fann e-a heimasíðu á netinu og forwardaði til hans. Þar sem Scott er mjög uppátækjasamur hefði ég mátt vita að það myndi enda skrautlega. Svo skemmtilega vildi einmitt til að einn valkostur á heimasíðunni var að senda jólasveininum email (skyrgamur@skyrgamur.is). Stuttu síðar fæ ég afrit af eftirfarandi emaili:

Dear 13 brothers,

You guys rule! I used to think that my pal Ásdís was just making you up but her story seems to check out - right down to your big bad hungry cat and your mother with her conservative fashion sense.

Ásdís has a pretty good fashion sense too but I am worried about that cat making a meal out of her right at the peak of your 26 days of mischief. Normally, I wouldn't worry so much as her mom is likely to keep her safe by buying her another nice hair elastic but after reading about your tricks...I am a little scared. Ásdís likes to put her hair elastics on all sorts of stuff to keep them convenient. I bet her mom do likewise in giving that as a gift to Ásdísi . Really, that means her mom might wrap them around sausages, candles, meat drying on the rafters or even on the goat's udder. Now what if you happen to gobble it up when you snatch up these goodies as usual? Seems like that dang cat will come and gobble Ásdís up too. Try to be careful! Ok?

The reason why I am particularly concerned is that Ásdís hasn't even made it out to the gnarly hot springs around here (Santa Barbara). They are along the top of the Santa Ynez mountains and are actually pretty far from wine country...but certainly wroth an independent excursion. So, at least give her a chance to go there.

Actually, there might not be need to fuss - maybe I can persuade her into going this week some time! Maybe we will see some of your Californian cousins!

Take care dudes and enjoy some hakarl for me!
Scottisar

Jáhá, eins og þið sjáið er ég búin að ala strákana vel upp: farnir að beygja nafnið mitt og alles (þótt þeir geri það nú kannski ekki alveg rétt og fari í fullmiklar alhæfingar með að reyna að beygja nafnið sitt eins:)). Vona bara að Skyrgámur hafi kímnigáfuna í lagi;)

Magic Mountains

2006-11-11T10:21:00.000-08:00

Í dag er Veterans Day svo það var frí í skólanum í gær. Ég er reyndar alltaf í frí á föstudögum svo það skipti ekki miklu máli fyrir mig. Í tilefni þess ákváðum við þó að kíkja í rússibanagarðinn Magic Mountains, Six Flags. Það var meira en lítið gaman. Ég hef aldrei farið í rússíbana sem fer á hvolf (verið hálfgert mottó hjá mér að sneiða hjá þeim) en eftir gærdaginn hef ég komist að því að fara á hvolf er ekki mest scary. Vegna langra raða vorum við langt frá því að ná að þræða alla rússíbanana (sem þýðir að ég verð að fara aftur;)). Tveir af þeim rússíbönum sem við fórum í standa upp úr. Einn sem fór á 140km/klst og svo annar þar sem maður lá á maganum og horfði beint niður á jörðina (þ.e. maður hékk eiginlega undir rússíbananum sjálfum) og þeyttist í ótal hringi upp og niður:) Mæli með þessum garði:)

Hópurinn sem ég fór með var frekar fyndinn, samansafn af fólki sem þekktist ekkert alltof vel. Það var hins vegar bara skemmtilegt, frekar fyndið á köflum. Ein stelpan virtist t.d. vera með það eina takmark í lífinu að finna sér strák til að giftast svo hún gæti átt hús, mann, börn og hund (ofur amerískt). Á e-rn óskiljanlegan hátt tókst henni svo alltaf að snúa umræðunni (alveg saman hvað umræðan byrjaði langt frá þeirri umræðu) í það að hún væri á lausu og þyrfti að finna sér sem allra allra fyrst gaur til að giftast svo hinir einstöku mömmuhæfileikar hennar færu ekki til spillis. Strákurinn sem keyrði þurfti að láta skíðabindingar á skíðin sín (og e-rra hluta vegna varð hann að fara alla leið til LA til að gera það) svo ferðin endaði með því að fórum út að borða á 3. stæti í Santa Monica. Ég verð endilega að vera duglegri að gera e-ð svona:)

Þórhallur litli bróðir á svo afmæli í dag, sextán ára vóhó! Ég hringdi í hann í tilefni þess, það var mjög gaman að tala við hann:)

Kosningar

2006-11-07T22:08:00.000-08:00

Jæja þá er það staðfest Arnold Schwarzenegger mun skrifa undir meistaragráðuna mína! híhíhí

Surfbretti

2006-11-05T18:56:00.000-08:00

Í gær var næstum fullt tungl svo í tilefni þess ákváðum við að kveikja bál á ströndinni. Þetta var í fyrsta sinn sem ég geri það og það kom mér því mikið á óvart hvað það var troðið á ströndinni (bara eins og Laugarvegurinn á góðum djammdegi). Á um km löngu svæði voru a.m.k. 4 smábrennur. Þetta var nú bara mjög skemmtilegt, kósí. Myndavélin mín beilaði því miður svo ég get ekki sýnt ykkur myndir. Nú þegar fór að líða á kom löggan og sagði að Goleta (úthverfið sem ég bý í) hefði bannað bál á ströndinni svo við þyrftum að slökkva það núna eða við fengjum öll sekt! Þeir sögðust líka vera að rýma ströndina svo ef við hypjuðum okkur ekki strax fengum við líka sekt! Jáhá mig langar að segja ýmislegt við þessu en kannski best að vera ekkert með of miklar yfirlýsingar á netinu;)

Og að e-u skemmtilegu:) Björn Birnir og Inga Dóra voru svo rausnarleg að lána mér surfbrettið sem Adda dóttir þeirra á af því að hún er núna að læra á austurströndinni. Nú hef ég því enga afsökun til að fara ekki að æfa mig:D. Myndir af brettinu verða líka að bíða betri tíma.

Bandaríkjamenn eru stundum skrýtnar skrúfur. Á þriðjudaginn eru kosningar um heilan helling (lagabreytingar og æðstu stjórnendur). Auglýsingarnar eru misgóðar og yfirleitt eftir að hafa séð bæði auglýsinguna með og á móti lagabreytingunni get ég ekki fyrir mitt litla líf séð hvernig þær get báðar verið að segja fullkomlega satt. Ein auglýsing er þó í uppáhaldi hjá mér. Þar er einn frambjóðandinn að lýsa því fram að hann sé fylgjandi því að fólk þurfi að sýna persónuskilríki til að kjósa og segir að mótframbjóðandi sinn sé á móti því. Hvernig getur maður verið á móti því að fólk þurfi að sýna persónuskilríki þegar það kýs? Og hvernig stendur á því að maður þarf að sýna persónuskilríki þegar maður kaupir áfengi (og já þau þurfa sko að vera frá Kaliforníu og segja til um hæð og þyngd (eins og hún geti ekki breyst á 5 árum)) en maður þarf ekki að sýna persónuskilríki þegar maður kýs? Ég veit ekki með ykkur en mér finnst þetta frekar undarlegt.

Halloween, tímabreyting og fleira

2006-11-01T14:53:00.000-08:00

Í gær var Halloween. Santa Barbara (eða meira IV, hverfið hérna á móti mér) er þekkt fyrir brjálað djamm um hrekkjavökuna. Ég myndi kalla þetta meðaldjamm og hámarkslöggæslu. Allar sektir eru margfaldaðar, auka fangaklefa er komið upp í IV og það er allt morandi í löggum bæði fótgangandi og á hestum svo fátt eitt sé nefnt. Íbúðirnar sem ég bý í voru til dæmis girtar af og okkur hótað að við þyrftum að vísa skilríkjum til að komast inn!

Ég átti í miklum vandræðum með að finna út hvað ég ætti að vera því rándýra hárkollan sem við Ösp mönuðum hvort aðra upp í að kaupa var ekki nógu dökk til að vera Morticia Adams (ég hefði átt nóg af fötum í það;)). Það varð því úr að ég var bara brunette (dökkhærð kona hljómar bara ekki nógu spennandi;)) og nýtti mér allt sem fer dökkuhári mun betur en ljósu (eins og kjóllinn og grænn augnskuggi). Ef ég líktist e-um var það örugglega helst mömmu:) Það fyndnasta var samt að helmingurinn af partygestunum þekkti mig ekki! og svona 1/4 hélt að ég hefði litað á mér hárið og hafði verulegar áhyggjur af því hvort þetta skolaðist út eða ekki (partyið var á föstudaginn og ég er enn að fá spurningar um hvernig ég hafi náð litnum svona hratt úr!).

Hefði ég náð að plata ykkur?

Á laugadaginn fórum við Morgane og vinkonur hennar svo í IV. Það var nú bara mjög skemmtilegt, hitti fullt af frekar rugluðu fólki (sem hélt greinilega líka að ég væri mun yngir en ég er). Ég skil samt enn ekki hvernig allar stelpurnar gátu bara labbað um á nærfötunum einum saman (því það var mjög kalt) og náttúrulega heldur ekki þessa örfáu stráka sem voru bara á G-steng. Hér fylgja ekki myndir með, einfaldlega af því að þær myndu flokkast undir klám.

Í staðin fáið þið mynd af Morgane, frönsku stelpunni sem ég bý með

Og eina hóp mynd af okkur stelpunum

Já svo var klukkunni breytt, svo hún var 2 í einn klukkutíma. Nokkuð gott að fá svona einn auka klukkutíma til að djamma en hins vegar alveg hörmulegt að það skuli verða bjart um 6 (því það þýðir að ég vakna þá:S og það verður dimmt fyrr:S ég veit ég á ekki að kvarta því það er náttúrulega mun verra heima)

Nú svo var ég að eignast lítinn frænda. Kom mér mikið á óvart því ég vissi ekkert að frænka mín væri ólétt! Hlakka mikið til að hitta hann um jólin.

Á ég aftur að blogga um surfing?

2006-10-20T14:52:00.000-07:00

Mig langar það en þið eruð kannski alveg komin með nóg af því... hehe a.m.k. verður 4 tíma surf á morgun án kennara svo ég ætti að komast að því hvort kennarinn er að vinna alla vinnuna eða ekki:)

Annars ætla ég að setja mynd sem mér var gefin hérna í Californíu. Hún er af ömmu minni og systkinum hennar, langömmu og langafa! Frekar fyndið að finna fjölskyldumynd svona hinum megin á hnettinum:) Hver haldiði svo að sé amma mín?

PS: Hvað finnst ykkur að ég eigi að vera á Halloween? Það eina sem ég er búin að ákveða er að ég ætla að vera með hárkollu sem er með dökkt sítt hár og skær grænan augnskugga. Veit bara ekki alveg hvað ég get þóst vera...hmm. Hugmyndir eru vel þegnar:)

Screening smeening

2006-10-13T10:40:00.000-07:00

Ég var að klára próf sem allir sem ætla að klára doktorsnám hérna þurfa að ná. Þetta eru tvö 45mín próf þar sem maður stendur einn uppi á töflu og tveir prófessorar sem eru sérhæfðir á þessum sviðum spyrja mann spjörunum úr til að sjá hvort þeim finnst við vera nógu fróð til að halda áfram. Annað prófið var skítlétt en hitt ekki. Það gekk svo illa að það var eiginlega fyndið. Þeir báðu mig um að teikna e-ð sem ég vissi ekkert hvernig leit út svo ég gerði bara e-ð. Nú þá fóru þeir að benda manni á gallana og ég endaði á að breyta því í algjöra andstæðu þess sem ég byrjaði með, heheh. Þeir höfðu líka einstaklega gaman að spyrja mann í þaula út í það sem þeir sáu að maður var ekki 100% viss um (við vorum þrjú sem tókum þetta próf, það byrjaði eins hjá öllum en svo þróaðist það í sitt hvora áttina hjá öllum af því að við vorum ekki öll með sömu veikleikana). En þeir komust nú samt að þeirri niðurstöðu í lokin að ég kynni nógu mikið svo ég náði:D Ég hefði sko aldrei hleypt mér í gegn, hehe. Segir manni bara að maður er víst harðasti gagnrýnandinn sinn:)

En að öðru. Eftir tvo surf tíma er ég orðinn algjört fan! Kennarinn segir að ég sé "natural surfer" en ég held að það sé bandarísk ofur kurteisi. Ég get núna vel staðið og allt en þeir ýta okkur inn í öldurnar svo það er svolítið svindl;)

Og að allt öðru. Ég skil ekki skammtastærðir í Bandaríkjunum. Ef maður fer á veitingastað er einn skammtur nóg fyrir alla fjölskilduna! Ef maður kaupir mat tilbúinn í búð eru næringargildisupplýsingarnar alltaf gefnar í einum “skammti”. Þar hefur einn skammtur hins vegar allt í einu minnkað til muna. Ég hef þá sterklega grunaða um að velja bara skammta stærðir þannig að varan virðist mjög hitaeiningasnauð (og vona að heimskir kúnnar falli fyrir því). Máli mínu til stuðnings selur sama fyrirtækið grænmetis pizzur og pepperóni pizzur. Ef maður fær sér grænmetispizzu er einn skammtur 1/6 af pizzunni en bara 1/8 ef maður fær sér pepperóní! Ég spyr nú bara hver verður saddur af 1/8 af 12” pizzu? Ekki ég:)

En nóg af röfli í bili:)

Surf smurf

2006-10-05T17:34:00.000-07:00

Jáhá það hlaut að koma að því að ég færi e-r tíman í sjóinn hér. Í dag var fyrsti surf tíminn minn og ég verð bara að segja að það var MJÖG skemmtilegt. Ég get nú ekki sagt að það sé mér neitt í blóð borið en mér tókst a.m.k. að standa smá:)

Tíminn byrjaði mjög fyndið, en mjög bandarískt. Fyrst var hálftíma yoga surf sem er víst lykilatriði til að geta surfað rétt. Get samt ekki kvartað, frekar magnað að stunda yoga á strönd:)

Sjórinn var hins vegar óheyrilega kaldur (þeir sem trúa mér ekki, það er hafstraumur sem kemur frá Alaska hingað niður og sjórinn hitnar lítið á leiðinni, sjórinn var svo kaldur að ég fór í sturtu á eftir sem hafði bara kalt vatn og mér fannst hún volg!) og hefði ég ekki verið í blautbúning hefði ég líklega ekki endst lengi. Eftir um hálftíma í sjónum voru þrír puttar á hvorri hönd "dánir" og öll ilin á báðum löppum alveg hvít (og meðfylgjandi tilfinningarleysi). Ég var svo 3 klst. að ná almennilegum hita í kroppinn, jafnvel þótt ég fengi mér heitt kakó. Líklega frekar fyndið að horfa á mig labba um campus dúðaða og skjálfandi þegar flestir aðrir eru í stuttbuxum og tátiljum:)

Hlakka samt mikið til að fara í næsta tíma:D

Alvöru djamm!

2006-09-27T03:40:00.000-07:00

Jáhá ég var að koma heim af alvöru djammi (sko niður í bæ djamm), því fyrsta síðan ég kom hingað. Og já það er þriðjudagur:S

Steve í vélaverkfræðideildinni átti afmæli í dag og því var ákveðið að fara á 80´s night á Q´s. Ég var ekki alveg viss hvort ég ætti að fara af því að ég á eftir að læra svo mikið en skellti mér svo á síðustu stundu. Og sé sko ekkert eftir því, dönsuðum eins og brjálæðingar:) Bandarískir staðir eru samt svo fyndnir. Í fyrsta lagi voru fullt af sjónvörpum þarna eins og annars staðar og það voru ekki nein tónlistarmyndbönd í þeim heldur bara framhaldsþættir og fréttir! Nú svo voru tvær stelpur að dansa í búrum (í brjóstahöldurum, hot pants og moonboots), vona að þær hafi fengið vel borgað því þetta var mjög vandræðalegt/niðurlægjandi. Svo var dansgólfið afmarkað með hvítu tapi og ef maður fór út fyrir tapið kom dyravöruður og fékk mann til að færa sig! Það skal tekið fram að það var ekkert spes fyrir utan þetta tape!

Við Morgane skutluðum svo heim þýskum strák sem býr uppi í fjöllunum og vá! Þetta hús var rosalegt, með þvílíkum arin, sundlaug, rosa garði og þvílíku útsýni og það var svona rosa ró yfir öllu. Greinilegt að ég er að leigja á vitlausum stað, reyndar er hann um klst. að koma sér í skólann (sem felur líka í sér að hjóla upp rosalega brekku). En maður verður víst að velja og hafna.

Hitt og þetta

2006-09-24T19:00:00.000-07:00

Jæja núna er allt að komast í sinn vanagang, fyrir utan að skólinn er ekki byrjaður. Ég er samt að læra á fullu undir e-r próf sem ég "þarf" að taka.

Á föstudagurinn héldu Brynjar og Oddgeir party. Endaði í miklu fylleríi og rugli en var mjög skemmtilegt!:D Vonandi halda þeir fleiri party í framtíðinni, góð tilbreyting frá siðmenntuðu átveislunum hér.

Í dag var svo kveðju grill fyrir Martin (öllu rólegra en partyið). Hann byrjaði á sama tíma og ég en ákvað svo að hætta því hann getur klárað á miklu styttri tíma heima (í Þýskalandi) og fær mun meira borgað. Það er frekar skrýtið að hann sé bara allt í einu farinn.

Þar sem við Morgane tímum ekki að borga $40 á mánuði fyrir kapal keyptum við okkur inniloftnet. Við náum bara einni sjónvarpsstöð með því en svo skemmtilega vill til að það er einmitt besta stöðin:) Hún sýnir Desp. Housewifes, Grey´s Anatomy og Lost auk fleiri afþreyingarþátta eins og Wife swap, Supernanny o.fl. sem vel má horfa á þegar maður er alveg búinn á því. Á eftir er einmitt fyrsti þátturinn af annarri (eða þriðju?) seríu af Desperate Housewifes. Ekki slæmt;)

Herbergisfélaginn mættur

2006-09-17T21:29:00.000-07:00

Núna er stelpan sem leigir íbúðina með mér mætt. Mér líst bara mjög vel á hana, viðist mjög skemmtileg, hreinleg og easy going. Hefði sett mynd af henni en fannst það svolítið sækó að biðja hana um að pósa á mynd sem ég ætlaði svo að setja á netið, svo það bíður betri tíma, hehe.

Annars fór ég í bíó áðan á myndina Little Miss Sunshine og hún er mjög fyndin, mæli með að allir sjái hana þegar hún kemur heima.

Núna eru mikir skógareldar í Ventura (sem er í 45mín keyrslu héðan) svo askan fellur í gríð og erg hérna. Svolítið eins og það sé eldgos:) Ekki er mælt með að vera mikið úti og hefur það í för með sér mikið hreyfingarleysi, þar sem mér er ekki hleypt inn í ræktina fyrr en 25.sept. Ég þreif líka bílinn minn fyrir morðfjár (held að 10 sek hafi kostað 25cent og ég var ofsalega lengi að því) í fyrradag og nú er hann hulinn nokkra millimetra öskulagi. En hvað um það...;)

Berlín, Santa Barbara, San Diego

2006-09-12T09:57:00.000-07:00

Jæja fullt af ferðalögum að baki og þetta verður langt blogg!

Við Ösp (sem á einmitt afmæli í dag, til hamingju) drifum okkur til Berlínar. Fæstir höfðu neina trú á því að við kæmumst nokkurn tíman á leiðarenda því skipulagningin var í lágmarki og gekk seint. Þetta var samt sem áður hin skemmtilegasta ferð. Við skoðuðum alla helstu sögufræga staði, fórum í 7 af 9 H&M búðum í Berlín, borðuðum helling af ís, fórum á kaffihús og skemmtilega veitingastaði og djömmuðum á mjög steiktum stað þar sem við kynntumst Gana manninum Franc sem er víst að eigin sögn besti vinur okkar og á leið í heimsókn til okkar um áramótin. Nú svo fórum við í ansi litríka spa ferð (sögur fást á msn) og komumst merkilega vel út úr barnamenntaskólaþýskunni okkar.

Ættum við að breyta um stíl?

Nú svo fór Rakel með mig að fljúga:) Takk fyrir mig, skelli einni mynd með

Eftir mikið stress að klára skýrsluna mína í vinnunni og reyna að hitta alla a.m.k. pínku áður en ég færi var komin tími til að fara aftur til Santa Barbara. Ótrúlega fyndið hvað maður þekkir alltaf marga í flugvélinni: mamma (hehe hún var sko á leiðinni á ráðstefnu í San Diego), Egill kærastinn hennar Fríðu Siggu, Hulda og Bensi voru öll þarna.

Þrátt fyrir að ég hafi bara sagt Söndru hvenær ég kæmi (og það sama dag og ég kom) var móttökunefndi mætt á flugvöllinn:)

Íbúðin mín er fín. Herbergisfélaginn minn er ekki kominn, ef frá eru taldir nokkrir froskar sem halda að þeir eigi heima hérna. Fann einmitt einn ofan í klósettinu svo héðan í frá grandskoða ég alltaf klósettið.

Þar sem mamma fór á ráðstefnu í San Diego og þar sem ég hef aldrei komið þangað fór ég að heimsækja hana. San Diego er mjög skemmtileg borg, verð að fara þangað aftur þegar ég hef tíma. Þar er líka IKEA sem ég missti mig pínu í og leit út eins og heimilislaus manneskja (ekki í fyrsta sinn) að drösla öllu upp á hótel í trolleyinu. Við fórum líka inn í land að skoða jarðhitaorkuver. Þar var rúmlega 40°C og sól. Gott að ég var í fóðruðum gönguskóm og gallabuxum. Vildi að ég hefði haft vegabréfið með til að kíkja yfir til Mexíkó, pirrandi að vera 2mílum frá og geta ekki farið yfir. En það bíður betri tíma.

Barbie

2006-08-19T13:04:00.000-07:00

Ætti ég að breyta um stíl?
http://www.lh.is/innranetid/myndir/2006sumargrill/imagepages/image88.html
Svona fara vinnudjömm illa með mann:)

Ætli maður bloggi þá ekki bara:)

2006-08-14T12:19:00.000-07:00

Jæja sökum kvarts ætla ég að blogga:) Ástæða bloggleysis er ekki gúrkutíð heldur aðallega af því að ég er ekki með internet heima hjá mér og í vinnunni er internet en ég er ekki með myndirnar mínar þar...svo myndalaust blogg.

En vá hvað ég hef gert mikið síðan ég bloggaði síðast, varla liðið það kvöld, hádegismatur eða helgi sem ég hef ekki verið á fullu að hitta þennan og hinn:) Hápunktarnir voru nokkrir eins og þegar Íris og Siggi giftu sig (snilldarveisla), Sigurrós (frekar þá í Ásbirgi (ein af topp 5 skyniákvörðunum lífs míns;))en á Klambratúni), Hruni (landið sem pabbi og Stúlla eiga), saumó, Kárahnjúkar, fjölmargar fjallgöngur, sundferðir og flugferðir (held ég hafi aldrei flogið svona mikið innanlands á svo skömmum tíma). Ég er örugglega líka að gleyma e-ur fleiru en hvað um það...Fyndnast finnst mér samt hvað góða veðrið er yfirleitt að elta mig (ólíkt venjulega). Var t.d. alla verslunarmannahelgina í sól og 20°C þótt ég hafi fyrst byrjað fyrir norðan og svo farið suður.

Við Rakel skelltum okkur á Egilstaði um helgina og reyndum að skoða Kárahnjúkasvæðið eftir bestu getu (vorum á Corollu svo okkur voru því miður ekki allir vegir færir). Þetta var hin mesta snilldarferð þar sem okkur tókst að gera flest allt sem gera á í alvöru ævintýraferðum: sjá þetta ótrúlega fallega land, keyra nokkur vöð, næstum festa bílinn, fara í náttúrulega laug, sofna óvart úti í náttúrunni og sofa í tjaldi þrátt fyrir mikinn þrýsting frá skálaverði og fleirum að gista í skálanum. Kynntumst fullt af skemmtilegu fólki og spiluðum og kjöftuðum á þýskenskdöskíslensku:)

Í dag er líka hinn sorgardagur þegar ég missi HÍ tölvupóstinn minn:S Já skv. útreikningum háskólans virðast vera 3 mánuðir frá því að ég útskrifaðist og missi ég því þetta gæða email;(

Jæja jæja

2006-07-09T15:34:00.000-07:00

Síðustu vikurnar hefur verið mikð að gera að hitta alla. Ekki leiðinlegt:) Það er líka alveg nóg að gera í vinnunni.
Um helgina fór saumó og makar í Húsafell. Það var mjög gaman. Mikið borðað, sofið og djammað auk þess sem við fórum auðvitað í sund og pottinn. Takk fyrir helgina!
Annars verð ég örugglega ekki dugleg að blogga í sumar (þoli ekki þegar ég les þetta á öðrum bloggum en ég skil þetta alveg fullkomlega núna!;))

Komin heim:D

2006-06-23T11:47:00.000-07:00

Já eftir 30 tíma ferðalag er ég loksins komin heim:) E-um tókst að keyra inn í flugvélina svo það varð rúmlega 6 tíma seinkun á henni. Svo í stað þess að leggja af stað klukkan 11:30 um kvöld fór hún ekki fyrr en klukkan 6 morguninn eftir. Ekkert jafnast á við að reyna að sofa á flugvallarbekkjum þar sem skilrúmin (man ekkert hvað armrest er á íslensku:S) milli sætanna ýtast inn á milli rifbeinanna!

Ég var náttúrulega með allt of mikið af drasli og þurfti að taka 16 pund (ætli það sé ekki um 7kg) upp úr töskunum mínum eða borga $370. Í handfarangri má hafa eina tösku og "one personal item". Ég útvíkkaði það hugtak allverulega og þessi persónulega taska var vissulega hliðartaska en hún rúmar álíka mikið og háflur svartur ruslapoki!;) Það kom sér þó ekkert alltof vel þegar ég fór niður í San Francisco í 8 tíma biðinni (átti sko að bíða í 8 tíma en það varð svo nálægt 15).

En a.m.k. er með sama gemsa og venjulega:)

Yfirleitt er ég mjög óheppin með sessunauta í flugvélum en nú lenti ég bara við hliðina á mjög skemmtilegum manni sem m.a.s. býr í Santa Barbara. Hann ætlar að vera í vikur hér í fjallgöngu/puttaferðalagi. Hann hafði heyrt að það væri mjög dýrt hérna svo hann var bara með allan mat með sér og hafði kynnst fullt af fólki á netinu sem ætlaði að leyfa honum að gista þegar hann fyndi ekki stað til að tjalda á. Hann vildi auðvitað læra íslensku (og hélt að 9 tíma flug gæti alveg gefið honum nægan grunn), og gekk svona líka vel (náði a.m.k já, nei og takk). Frekar fyndið.

úff, heilræði af biturri reynslu;)

2006-06-15T23:01:00.000-07:00

Aldrei reyna að pakka öllu sem þið eigið á 3 klukkutímum, það virkar ekki! Hvernig gat ég sankað að mér öllu þessu drasli á 9 mánuðum. Ég henti samt helling. Mæli heldur ekki með ferðatöskum sem geimsluhirslur, sérstaklega ekki ef ástæðan fyrir að maður á svona margar ferðatöskur er af því að þær eru allar bilaðar á einn eða annan hátt. Ef e-r kann trix við að fella saman straubretti með brotið "fella niður handfang" væri það vel þegið:) Man núna af hverju það er svona leiðinlegt að flytja.

17. júní

2006-06-11T22:03:00.000-07:00

Já Íslendingum í Santa Barbara var farið að leiðast að vera alltaf 7 tímum á eftir ykkur heima svo við ákváðum bara að vera 7 dögum á undan ykkur og halda upp á 17. júní þann 10.:) Björn og Inga héldu æðislega grillveislu og við átum á okkur gat. Þarna var allt sem til heyrir 17. júní: t.d. hoppukastali (reyndar til heyrði hann e-u barnaafmæli:)) og sólin lét m.a.s. sjá sig:) Baldvin kom svo með lakkrís sem allir hámuð í sig á örskotsstundu;) Mjög skemmitlegt kvöld og svo sannarlega e-ð sem ég þurfti fyrir prófalesturinn. Leyfi nokkrum myndum að fylgja:)

Jonna, Björn og Inga
Hópmynd:), íslenskir nemendur í Santa Barbara, vantar reyndar Gunna.

Næstu dagar eru prófadagar:( svo ég hef alveg úr nógu að snúast auk þess sem mér verður hennt út úr húsinu mínu fyrir fullt og allt á sjálfan 17. júní! Ég á eftir að sakna staðsetningarinnar og hvað það er óhóflega mikið hitað hér (m.a.s. mér er stundum heitt) og hvað allt er nýtt, hreint og fínt en ég á sko ekki eftir að sakna mötuneytisins né því að vera hennt út í sí og æ.

Albinói?

2006-06-02T14:18:00.000-07:00

Ég veit að ég er mjög ljós yfirlitum og verð aldrei neitt sérstaklega brún. Ég vil hins vegar meina að ég taki smá lit og mér til sönnunar hef ég öll sundbolaförin á bakinu og þær örfáu brúnkukeppnir sem ég hef unnið. Nú þar sem ég bý í Californiu og þar sem veðrið hefur verið ágætt síðustu daga býst ég fastlega við að ég sé búin að ná persónulegu brúnkuhámarki. En.... fólk er sífellt að tönglast á því hvað ég sé hvít!

Eins og fyrir jól sagði vinkona mín hér eins og ekkert væri sjálfsagðara þegar hún var að lýsa e-rri manneskju: "she is really pale, not nearly as pale as you but really really pale". Nú og áðan sagði eiginmaður yoga kennarans míns þegar hann komst að því að ég væri í verkfræði: "I have never met a pale, Icelandic, female Engineer before". Af hverju var pale fyrsta lýsingarorðið?!? Og af hverju var það þarna yfirleitt?

Fjallganga

2006-05-29T18:44:00.000-07:00

Hér kemur myndin af nýja bílnum mínum bara fyrir Völlu og Hiddu;)
Nú og fyrir Ösp í samanburðarpælingum þá kemur glæsilega súkkan

Þá er það bara hvor vinnur? Báðir náttúrulega virkilega glæsilegir bílar;)

Jæja en það nýjasta er að ég fór í fjallgöngu í gær með vélarkrökkunum. E-r sagði okkur að gangan væri 4 mílur, svo komumst við að því að það var aðra leiðina, og svo komumst við að því að við þyrftum að labba í tvær til að komast að gönguleiðinni!

Á leiðinni að göngustígnum, hmmm kann ekkert að snúa þessari mynd

Loksins komin á göngustíginn
Loksins á áfangastað
en útsýnið var alveg þess virði:)

já s.s. enduðum í 12 mílna (rúmlega 19km) fjallgöngu sem var mjög skemmtileg en ansi erfið sérstaklega í ljósi þess að við vorum ekki með neitt að borða (og ég virka ekkert alltof vel eftir 9 tíma svelti og 6 tíma göngu, var samt bæði fyrst upp og niður). En við vorum nú fljót að kveikja í grillinu þegar við komum niður:) namm það var sko góður matur!

Mér tókst að fá eitt risabit (af e-rju rosa skordýri, við erum að tala um að stungusárið sjálft er 3mm í þvermál) og e-ð mjög undarlegt á augnlokið sem leit út í gær eins og risastór fjólublá bóla! Í morgun var svo augað mitt sokkið í greftri, rautt og bólgið, veit ekki alveg hvort ég á að hafa áhyggjur....set a.m.k. á mig skordýrafælu næst og reyni að læra hvernig eitruðu plönturnar líta út áður en ég fer.

Brummi og spa

2006-05-25T17:45:00.000-07:00

Já ég kom m.a.s. sjálfri mér á óvart með að kaupa mér bíl!:) Núna ætti títuprjónaleysi ekki að þýða þriggja tíma ferðalag helur bara 20mín. Já hann slær nú ekki súkkunni við nema þá í aldri:) Ég held ég hafi nú samt gert mjög góð kaup enda keypti ég hann af Shaunu vinkonu minni. Það lítur samt út fyrir að tryggingar fyrsta árið muni kosta meira en bíllinn!

Síðan ég byrjaði í skólanum hefur skólinn verið að byggja "spa" og var það loksins opnað í vikunni. Mér fannst nú frekar skrýtið og a.m.k mjög rausnarlegt að skólinn stæði fyrir byggingu á "spa" þar til ég komst að því að "spa" er einn skitinn heitur pottur! Ég ætla reyndar ekki að kvarta því það vantaði einmitt einn svoleiðis:) Héðan í frá get ég líka virkað ótrúlega "snobb rík" þegar ég segi að það sé "spa" í bakgarðinum heima;)

Allir eiga afmæli

2006-05-23T22:35:00.000-07:00

Já það er sko afmælisalda að ganga yfir. Sara Natalía er eins árs í dag, mamma átti afmæli á laugardaginn, Valla á afmæli 30., Arndís Dúna varð þriggja í síðustu viku og svo er ég örugglega að gleyma e-um helling. En a.m.k til hamingju með afmælið allir!
Arndís afmælisbarn í eina afmælisboðinu sem ég komst í

Í dag tókst mér líklega að redda einu frekar mikilvægu og er þess vegna í ágætisskapi:) Ég er hins vegar alveg andlaus þegar kemur að bloggi þessa dagana svo ....

Og annað met!

2006-05-15T17:10:00.000-07:00

.... og að þessu sinni í drasliríi. Ég held að ég hafi slegið presónulegt met í ruslagangi og það þarf sko mikið til. Ekki að það sé e-ð langt síðan ég tók til heldur ákvað ég bara að gera allt í gær og það er því miður ekki í boði í 10 fermetra herbergi. Þar sem ég nennti ekki að læra meira ákvað ég að þvo og sauma (fyrst Svanhildur dröslaði nú saumavélinni hingað) svo núna þekur straubretti, saumavél og hálfblautur þvottur hvern einasta krók og kima í herberginu (og ekki bætir það nú ástandið að herbergið er að springa af drasli sem ég hef sankað að mér síðasta árið). Það eina sem sést í ógeðslega teppið eru svona þrír örsmáir blettir svo ég geti tipplað frá rúminu og út úr herberginu:) Draslið hefur sýna kosti og galla (ok bara galla, má vera í smá afneitun hérna;)) t.d. finn ég hvorugan burstann minn! Ég hef því litið út eins og reitt hæna síðustu daga:Þ. Það stendur þó til bóta því í kvöld er 2 klst season finale af Grey´s anatomy svo ég ætti að geta tekið til í auglýsingarpásunum:)

PS. Elska sjúkratryggingar a.m.k þegar maður þarf ekki að borga þær sjálfur:) Fékk áðan $380 ávísun til baka út af ofnæmisprófunum. Þar sem ég bjóst alveg eins við að fá ekki neitt kom þetta ansi skemmtilega á óvart:D

Sitt lítið af hverju:)

2006-05-06T12:17:00.000-07:00

Jæja eins og sést vel á bloggheiminum þá eru nánast allir heima í prófum (m.a.s. Þórhallur litli bróðir sem er í samræmduprófunum! úff nú er maður orðinn gamall). Ég er sem betur fer ekki í prófum í staðinn er miðannarbrjálæðið í fullum gangi hér. Þrátt fyrir það tókst okkur að troða inn einu partyi í gær til að halda upp á afmæli Khaleds og Johns. E-um datt í hug í miðju partyinu að draga upp spilastokk. Það endaði með ansi skemmtilegum rifrildum um mismunandi reglur í algengustu spilunum (rommí og fleiru) og mér tókst að blekkja fólk með spilagöldrum sem ég lærði þegar ég var 4:) (æ þið vitið þessi með 3 röðum og 7 spilum í hverri röð) Fyndið hvað eitt þykir sjálfsagt að vita á einum stað en annað á öðrum.

Nú eins og flestir vita þá er ég tyggjófíkill:) Hér er hins vegar ekki til mín tegund:S og það sem er til hefur allt sama undarlega bragðið (e-r ógeðslegur undirkeimur í öllu og svo bæta þeir ofan á hinum ýmsu bragðtegundum). Mér til mikillar furðu fann ég hins vegar gott tyggjó um daginn. Ég ákvað því miður að lesa innihaldslýsinguna og komst að því að þetta tyggjó hefur 35% minni kalóríur en venjulegt tyggjó! Hversu sick er maður þegar maður er farinn að telja kalóríurnar niður í: "já svo fékk ég mér tyggjó = 4 kcal...". Þetta fékk mig næstum til að hætta að kaupa tyggjóið bara í mótmælaskyni ...... þar til fíknin sagði til sín;)

Met?

2006-04-27T21:30:00.000-07:00

Ég hef eflaust slegið persónulegt bloggleysismet í apríl en hef góða ástæðu fyrir því.

Svanhildur systir mín hefur verið í heimsókn í 5 vikur en fór heim í morgun:S Já frekar skrýtið að hún sé bara farin, var alveg orðin vön að hafa hana bara alltaf hjá mér:) Það er hins vegar ágætis tilbreyting að sjá loksins í gólfið á herberginu mínu:) En ætti ég kannski að segja hvað við höfum gert. Var búin að segja frá San Francisco ferðinni og e-u fleiru svo byrja bara á því nýjasta og læt fullt af myndum fylgja með:)

Shauna, Svanhildur, Khaled, Sandra og ég fórum í dýragarðinn hér. E-rra hluta vegna hef ég alltaf hugsað að dýragarðar væru fyrir börn svo ég bjóst ekki við miklu en það var bara mjög gaman. Hellingur af skemmtilegum og skrýtnum dýrum en gírafinn með klofna hálsinn stóð upp úr. Ég gat varla horft á hann, varð bara ill í hálsinum, en þetta á víst ekki að hafa nein áhrif á hann.

Gírafinn frægi
Annað sjónarhorn af honum
Dýragarðsgestir
Og aftur svo maður geri nú ekki upp á milli Söndru og Svanhildar

Nú svo átti Shauna afmæli. Það var mjög skemmtilegt, fólk úr öllum áttu sem þekktist flest ekkert en við áttum samt öll ágætlega saman. Svo fengum við líka svo góðan indverskan mat, namm, og fórum á skemmtilegan bar með packman tölvuleik í stað sjónvarps(ágætis tilbreyting en vá hvað ég er léleg í packman).Svanhildur, Shauna afmælisbarn, undarleg mynd af mér, Solla

Bragi og Jonna (systkini á níræðisaldri sem búa hérna og þekktu ömmu mína vel) buðu svo okkur Svanhildi út að borða á mánudagskvöldið. Það var mjög gaman og maturinn mjög góður (ég er sko alveg komin með upp í kok af mötuneytismatnum og nýti hvert einasta tækifæri til að sleppa máltíð þar úti í ystu æsar). Steinunn dóttir hans Braga kom með í matinn og gaman að kynnast henni. Hún skilur íslensku en finnst erfitt að tala hana og ég komst að því að ég get ekki fyrir mitt litla líf hlustað á ensku og svarað á íslensku. Hún á tvo íslenska hunda, Leif og Eirík, sem eru algjört krútt og vekja náttúrulega mikla athygli hér.

Ég, Jonna, Svanhildur, Steinunn og Bragi

Eftir matinn fórum við í kveðju partý hjá Dario (svissneskur skiptinemi í vélaverkfræði sem var að fara heim). Scott, John og Chris ákváðu að klæða sig afarsmekklega í tilefni þess. Þeim finnst Dario klæða sig í heldur þröng föt, en já mér fannst þetta frekar fyndið, samt ekki bara af því hvernig þeir litu út í fötunum heldur líka vegna þess að mínu mati er Dario yfirleitt smekklegra klæddur en þeir. Mér finnst ekki að strákar eigi að vera í öfur þröngum fötum en algjör óþarfi að vera í e-u 5 nr. of stóru sem auk þess býr til mjaðmir og mitt á þá. En hvað um það.

Chris, John, Dario og Scott

Í gær var svo alsherjar Íslendinga grill, alveg óvart samt:) Við Svanhildur ætluðum að grilla með Gunna, Sollu og Shaunu fyrst Svanhildur var að fara. Svanhildur var hins vegar svo stórtæk í matarkaupunum að tvöfalda "varð" matargestina og samt var afgangur:) Grillið endaði svo í skemmtilegum umræðum á ensku svo Shauna yrði ekki útundan.

Nú svo er ég komin með sumarvinnu á Línuhönnun:) Já ákvað s.s. að koma heim í sumar í a.m.k. 2 mánuði (júlí og ágúst). Hlakka til að hitta ykkur öll!

Páskar?

2006-04-13T11:38:00.000-07:00

Eins ofur kristnir og sumir Bandaríkjamenn geta verið er alveg ótrúlegt hvað ber lítið á páskunum hér. Það er náttúrulega ekkert frí í skólanum (bara venjuleg helgi:S) og allar búðir opnar eins og venjulega og engin merki þess að þessi fimmtudagur sé e-ð öðru vísi en aðrir. Ef e-ð er er bara meira að gera: próf, fullt af verkefnum sem eru sett alltof seint fyrir og annað eins. Ég fékk samt páskaegg númer 6 svo þetta er allt í lagi:)

Hvað sem því líður hef ég verið mjög dugleg í "félagslífinu" undanfarna daga (er í gæsalöppum því félaglíf hér er sko ekkert alvöru djamm, meira sex tíma tal- og átveislur, strandblak og aðrar íþróttir svo mér hefur tekist að brenna þrátt fyrir ofursterka sólarvörn) og er ástæðan líklega sú að helmingur krakkanna (allir sem voru með master fyrir) voru að klára aðalprófið sem við þurfum að taka til að mega fara í doktor (næsta haust hjá mér) svo þau eru að fara yfirum af einangrun síðustu vikna/mánuða. Í fyrra dag fórum við svo í fótbolta. Það var mjög greinilegt að fótbolti er ekki ein af aðalíþróttum Bandaríkjamanna því allir útlendingarnir í liðunum sköruðu verulega fram úr. Meira að segja ég sem kann ekki baun í fótbolta var spurð hvort ég hefði e-rn tíman æft! og er þekkt sem tuddinn eftir þennan leik.

Jæja verð að fara að borða áður en ég fer í tíma, í allan dag. Það vildi svo skemmtilega til að ég er bara í skólanum á þriðju og fimmtudögum (ef ég tel ekki með sundtíma, eitt seminar og einn office hour sem ég þarf að hafa) en auðvitað frá morgni til kvölds þá daga:S

San Francisco

2006-04-07T10:19:00.000-07:00

Jæja kominn tími til að blogga eins og Valla og Ösp hafa bent á. Gallinn er bara sá að annað hvort á ég eftir að skrifa eina línu eða nokkrar blaðsíður, sjáum til hvar þetta endar.

Svanhildur systir mín er í heimsókn og í tilefni þess að það var Spring break var mér hent út úr húsinu mínu svo við ákváum að fara til San Francisco. Það var frábært nema að það rigndi alla dagana og var töluvert kaldara en í Santa Barbara. Við versluðum alveg heilan helling og skoðuðum alla týpísku túrista staðina. Nú svo fórum við á tæknisafn í San José (það tók 5 tíma en átti að taka tvo samkvæmt starfsmanni þar), fórum í IMAX bíó, venjulegt bíó (rándýrt og með pissulykt:S) og borðuðum ótrúlega góðar og dýrar ostakökur í Cheesecake factory. Á leiðinni heim datt okkur svo í hug að fara "the scenic route". Við hefðum heldur hlustað á Völlu sérstaklega þar sem það var rigning úti. Þetta var vissulega fallegt en eftir um 80mílur af 180 gráðu beygjum á 50m fresti og sama yndislega útsýninu tóku við 40mílur af upp og niðurhossum og engu. Svanhildur var um það bil að æla og ég í krampakasti yfir að við værum bara fastar á þessum vegi og engin leið að komast út fyrr en hann endaði.

Núna erum við Svanhildur að passa dýr og hús fyrir hann Björn Birni. Mjög gott að hafa risastórt hús, sérstaklega þar sem Svanhildur er í heimsókn og það komast varla tveir inn í litla herbergið mitt á campus. Dýrið sem er chincilla (hef ekki hugmynd um hvað það er á íslensku) er því miður svolítið hrætt við okkur og byrjaði á að bíta Svanhildi, vonandi fer það að venjast okkur bráðum:)

Annars er skólinn byrjaður á fullu og mér líst bara vel á önnina en er svolítið hrædd um að það verði mikið að gera af því að ég er að taka fleiri kúrsa en áður.

Ekki tími fyrir meira

Kraftaverkin gerast enn:)

2006-03-17T16:23:00.000-08:00

Ég vil byrja á að hrósa ykkur fyrir að vera svona hlýðin:) Jónas: Já ég hreinlega veit ekki hvað þessi setning þýðir og því meira sem ég hugsa um það því ringlaðri verð ég (e-ð í þá átt að ferðlög séu ekki bara skemmtun (en ég er bara ekkert sammála því), eða að maður eigi ekki að storka örlögunum, ég bara gefst upp). Þetta er örugglega e-r rosa falleg myndlíking sem við skiljum bara ekki:) Og Sif: ég fór á heilsugæsluna daginn eftir að ég fékk ofnæmiskast síðast til að gá hvort ég gæti ekki fengið tíma fljótlega. Þegar ég tók niður gleraugun kiptist afgreiðslu konan við og gaf mér "urgent care" passa svo þetta er slæmt:S

Þau undur og stórmerki gerðust í dag að umferðarstofa Californiu sannfærðist loksins um að ég væri ekki ólöglegur innflytjandi og gaf mér ökuskírteini, aðeins fjórum mánuðum eftir að ég náði bílprófinu. Hver myndi fara með fölsuð innflytjenda gögn til ríkisfyrirtækis? En hvað um það, er bara fegin að ég þarf ekki lengur að dröslast með passann minn út um allt:)

Með ökuskírteininu fylgdi tafla þar sem finna má út, miðað við þyngd og tíma frá drykkju, hvað drekka má marga drykki áður en komið er yfir ölvunarmörk. Góð fyrirmynd?! Mér finnst nú skilaboðin frá yfirvöldum í þessum málum mun betri heima. Enda hef ég virkilega tekið eftir því hérna hvað fólki finnst allt í lagi að drekka nokkra bjóra og keyra svo bara heim!

Annars er næsta vika prófavika og þar á eftir kemur Spring break og við Svanhildur systir mín ætlum að fara saman til San Francisco þá. Hlakka ekkert smá til en ansi mikið ógert fyrir þann tíma svo verð örugglega frekar slöpp í blogginu á næstunni.

Heppin?

2006-03-15T18:21:00.000-08:00

Hei ég vil fá fleiri komment á flutningsleiðbeiningarar! Jónas er sá eini sem hefur þorað að tjá sig! Sjálfri finnst mér þetta fáránlega fyndið, hann virðist alveg fáránlega paranoid og finna fyrir strerkri þörf fyrir að sýna karlmennsku sína og vernda grey stelpuna (sem hann virðist telja að viti ekki neitt) þrátt fyrir að hann viti frekar takmarkað um málið sjálfur. Obboslega steríotýpu bandarískt:)

Nú yfir í annað. Á sumum sviðum er ég mjög heppin en mjög óheppin á öðrum. Til dæmis vinn ég mjög oft í hvers kyns happdrætti: bæði í ár og í fyrra fékk ég nákvæmlega það húsnæði sem mig langaði í í housing lotteryinu hérna, ég fékk 25þús.kr. ferða ávísun frá Mastercard og ég hef unnið mjög oft í alls kyns leikjum.

En þegar kemur að raftækjum er ég vægast sagt óheppin. Ég segi reyndar ekki að öll tæki sem ég fæ séu gölluð, til dæmis virðist sem myndavélin mín og ipodinn séu í ágætislagi, en meiri hluti þeirra er það! Eins og t.d. símarnir sem ég hef átt. Sá nýjasti bilaði innan þriggja mánaða og svo aftur innan mánaðar frá viðgerð. Ég man bara ekki eftir að hafa nokkru sinni átt síma sem var ekki á e-rn hátt bilaður.

Nú svo fjárfesti ég í tölvu í haust og eftir minna en mánuð þurfti að skipta um lyklaborð. Og hvað haldiði að hafi gerst um helgina? Nú skjárinn bilaði náttúrulega! Eftir mikla leit að leið til að hafa samband við Dell (þeir vilja greinilega ekkert að maður geri það og fela öll númer vel og vandlega á heimsíðunni sinni) tókst það reyndar og ég get ekki kvartað yfir eftirleiknum. Daginn eftir að ég talaði við þá kom bara maður í heimsókn og skipti um skjá á no time! Nú býð ég bara spennt að vita hvað bilar næst:)

Nú svo ákvað ég að fara til læknis hérna til að komast að því hverju ég er með ofnæmi fyrir (komin með pínku nóg af því að líta út eins og skrýmsli, sterakrem eru heldur ekkert holl til lengdar). Þar borgaði ég lækninum $88 fyrir að segja mér að koma aftur til sín og get ekki búist við að fá nein svör nema að borga minnst $350 (eins gott að þessar tryggingar borgi mér e-ð til baka!). Af hverju er maður ekki bandarískur læknir?

En nóg af þrasi:)

Moving to Iceland

2006-03-12T17:50:00.000-08:00

Shauna vinkona mín hérna í Santa Barbara ætlar að flytja til Íslands í byrjun júní.
Eftirfarandi leiðbeiningar fékk hún frá vini sínum sem hefur ferðast víða um heiminn.
Jámm hvað finnst ykkur? Það skal tekið fram að hann veit að hún ætlar að flytja í höfuðborgina
en ekki á leið í neina hálandaferð:)

"some thoughts, warnings, suggestions for your trip.

-ground yourself. a change in relationship is big. a change in job or
academic career is big. A change in home is huge. A change in hometown
gigantic. To change climates... wow. To change cultures,
civilizations.... Languages? Big change.

Burn no bridges. Be open even coming full circle... Be receptive to
lonliness. make it a bed because it will show up unannounced... As
astronauts have to endure long periods without gravity, proper sunlight,
fresh air, you will have to endure long periods without expressing
yourself freely.... understanding or being able to make yourself
understood. Without a shared context and circumstance, life and cultural
history, a person can feel very isolated.

eat healthy, drink clean water.

Travelling is not a toy and you know this.

Perhaps there is magic for you in Iceland, but it may not take the forms
you expect... Don't be deceived by pleasant or unpleasant expreiences.
They both have the same fundamental quality, of coming and going, arising
and passing away. Nothing lasts so don't grip it. Desire and Fear are
your enemies. Awareness, especially breathing steadily, is your best
friend.

Pack efficiently, you need lightweight, high tech thermal clothing, wool,
good shoes, socks you can hand wash... everything should be able to fit
comfortably on your back. I recommend you bring 7 to 10 thousand dollars,
connected to a checking account. ATMs are the cheapest way to change
money. It's a direct bank to bank transfer. And you can cancel the
card if you need to. Always have back-up cash, keep it close to your body.
Stay safe, warm, and around people you TRUST. (look at their eyes)

It's good to get yourself an apartment or house... create a home base.
Don't live off hostels and campsites... Being a guest can get old... with
a house you can travel, depart, and return. Wash their dishes, sweep
their floors, give them food.

take photographs.
maintain a sense of humor.
never take it personally.

stay in touch with your friends and family.
These will be your lifelines to familiar roots."

Yfir í annað þessu algjörlega óskilt: ég sakna Einstein úr Word hjálpinni,
þessi galdrakarl er sko ekkert skemmtilegur. Viss um að Valla skilur mig;)

Ætti maður kannski að blogga?

2006-03-08T18:43:00.000-08:00

Jæja nú hef ég ekki skrifað almennilega bloggfærslu í háa herrans tíð. Og um hvað ætti ég nú að skrifa? Það var nú ágætisveður í dag og í gær en á mánudaginn rigndi og það á víst að rigna meira í vikunni.

Það er mjög fyndið þegar það rignir hér í Santa Barbara því það er eins og allt lamist. Vissulega getur rignt mikið hérna og þeir gleymdu sko alveg að gera ráð fyrir því þegar göngu- og hjólastígar voru gerðir (svo maður getur bara gleymt því að vera þurr í lappirnar þann daginn) en mér er nú alveg sama. Rigningin hér er ekki svo slæm að fólk geti réttlætt það fyrir mér að þegar að rétt dregur fyrir sólu ákveði fólk að vera bara heima, sleppa því að mæta í tíma eða fara yfirleitt út úr húsi (ég hef heyrt "nei hann fór heim af því að hann hélt að það myndi rigna"). Nú svo eru vaðstígvél (sko alvöru sveitastígvél), dúnúlpa (enda getur hitinn alveg farið niður í 15°C) og hot-pants dress codið í rigningunni. Ég hef ákveð að vera bara að vera lúði í rigningu (ekki eins og sé e-ð cool þegar það rignir ekki:)).

Af öðru er það helst að ég keypti mér nýjan síma. Já komin með upp í kok af dyntugheitunum í hinum og ætla að senda hann heim í viðgerð. Nú þessi nýji sími er með myndavél (þótt ég hafi valið þann ódýrasta sem fékkst) og stensil til að gera sjálfur nýtt cover. Sé mig í anda vera að föndra nýtt cover á símann minn!

Nú svo kláraði ég að prjónalopapeysu á sjálfa mig og er ótrúlega stolt. Fáránlega langt síðan ég hef prjónað (átta ár eða svo, djöfull er maður orðinn gamall!) en nú er ég alveg orðin húkt á því! Verst er að ég þarf núna að finna saumavél til að sauma rennilásinn í og enginn Íslendinganna virðist eiga saumavél (það er ekki hægt að gera þetta í höndunum því það þarf að klippa upp í saumana, æ prjónafólk skilur;)). Vona að ég þurfi ekki að kaupa mér eina slíka!

Mynd fyrir þá sem trúa mér ekki;) Og eins og ég sagði er hún ekki alveg tilbúin og alveg ópressuð:)

PS. Ég sá auglýsingu fyrir bókina"Biblía fallega fólksins" ef bókin er jafn vel skrifuð og auglýsingin verður greinilega enginn svikinn! Sex ára krakki gæti komið með e-ð betra (sérstaklega í seinni klausunni).

Hvernig vissu þeir það?:)

2006-03-04T19:20:00.000-08:00

Ég gæti vissulega bloggað um endalausa óheppni mína með síma (já hann bilaði aftur og ákvað að henda öllum símanúmerunum mínum út og fara á verksmiðju stillingar og vill bara vera þar (sem þýðir að ég er með Nokiatone hringingu eins og gamla fólkið sem kann ekki að breyta)) og annað pirr þar í kring (the never ending story) en það er ekkert skemmtilegt svo ég held bara áfram í prófunum:)
You Are 24 Years Old

You Are 24 Years Old

Under 12: You are a kid at heart. You still have an optimistic life view - and you look at the world with awe.

13-19: You are a teenager at heart. You question authority and are still trying to find your place in this world.

20-29: You are a twentysomething at heart. You feel excited about what's to come... love, work, and new experiences.

30-39: You are a thirtysomething at heart. You've had a taste of success and true love, but you want more!

40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

Prófsmóf

2006-02-24T07:10:00.000-08:00

Jæja til að hafa e-ð svona meðan ég hef ekki tíma til að blogga almennilega. Sá þetta próf á síðunni hennar Völlu og þetta er niðurstaðan. Annað hvort er prófið frekar lélegt eða ég að drífa mig of mikið að svara því mér finnst yfirleitt heimspekilegar vangaveltur ekki skemmtilegar (ég vil fá rétt svar við öllu og ef það er ekki hægt þá nenni ég ekkert að ræða það fram og til baka því ég veit að maður kemst ekki að neinni betri niðurstöðu en í upphafi svo...).

You scored as Mathematics. You should be a Math major! Like Pythagoras, you are analytical, rational, and when are always ready to tackle the problem head-on!

Engineering

92%

Mathematics

92%

Philosophy

92%

Chemistry

83%

Biology

75%

Theater

67%

Psychology

67%

Journalism

58%

Sociology

58%

Dance

50%

Anthropology

50%

Linguistics

42%

Art

42%

English

33%

What is your Perfect Major? (PLEASE RATE ME!!<3)
created with QuizFarm.com

Snowstorm in D.C.?

2006-02-13T18:00:00.000-08:00

Á þriðjudaginn fór ég til Washington D.C. til að taka þátt í Fulbright ráðstefnu. Ráðstefnan var um Civic Engagement svo ég get nú ekki sagt að þetta hafi verið neitt tengt því sem ég er að læra. Nú veit ég hins vegar heilmikið um kosningakerfi Bandaríkjanna, hvernig þeir reyna að hafa gegnsæi í öllu, hin mismunandi samtök sem reyna að hafa áhrif á þingmennina, lobbyista og hvað okkar kynslóð telur sig einstaka en nennir ekki að kjósa (Í e-rri könnun sem var gerð kom í ljós að þessi kynslóð er líklegri til að reyna að hafa áhrif á hvað aðrir kjósa en að mæta sjálf á kjörstað!. En kannski öllu framar fékk ég að skoða borgina og kynnast helling af fólki frá 80 mismunandi löndum (og sumum sem ég verð að játa að ég vissi ekki einu sinni hvar voru, úbs;)). Vá hvað ég vildi að ég gæti gert e-ð svona oftar!

Ég tók næturflug og lenti því á miðvikudag í D.C. og alveg nokkrum tímum áður en ég átti að mæta. Bryan sem er með mér í verkfræði hérna en er þaðan benti mér á að fara í Georgetown að versla og labba meðfram canalnum svo ég náttúrulega gerði það. Svo skemmtilega vildi til að þar var einmitt HogM búð:) Þar sem þær eru ekki til í Californiu hálf trylltist ég í búðinn og keypti náttúrulega allt of mikið:)

Dagarnir voru fullskipaðir frá morgni til kvölds svo ég ætla nú ekki að fara í alla liði;) Tvennt (af skipulögðu dagskrárliðunum) stóð upp úr. Við fórum í highschool og áttum að kynna landið okkar. Það var bæði gaman að kynnast krökkunum og læra um lönd hinna krakkanna (Kambódíu, Dóminíska lýðveldið, Perú og Pakistan). Nú svo var okkur boðið í mat til fólks í nágrenninu. Ég og Femka frá Hollandi (sem er að læra söng og syngur alveg eins og Norah Jones!) lentum hjá ótrúlega fínu fólki, Judy og Dan. Hann var lobbyisti og fyrrum sjónvarpsmaður (þið hefðuð átt að heyra röddina hans) og hún þjálfar sendiherra og maka (í hverju hef ég ekki hugmynd;)) og þau ákváðu að bjóða íslenska sendiherranum í mat! Margt mjög sérstakt gerðist þar eins og allir þurftu að fara með borðbæn og það fyrsta sem ég fékk að vita um manninn reyndar á eftir nafni var að hann væri rebublikani en djúsíari sögur fást á msn;)

Það var bara eitt á allri ráðstefnunni sem ég þoldi alls ekki. Maður úr evangelísku kirkjusamtökunum kom og sagði hvernig samtökin hefðu áhrif á þingið. Ég hef ekkert á móti að fólk sé trúað, hvaða trú sem um ræðir, en það fer óstjórnlega í taugarnar á mér þegar fólk reynir að troða trúnni sinni upp á aðra eða reynir að stjórna fólki með trú! Þessi karl talaði eins og bandarískur prestur (Omega), sagði dæmisögur sem aðeins var hægt að draga eina "rétta" ályktun af (en settar fram eins og við gætum komist að okkar eigin) og svo rétti hann oft hendur upp í loft og sagði "the power from above". Nú svo sat e-r fyrir aftan mig sem sagði í sí og æ (og í fúlustu alvöru) "Amen, Amen". Á tímabili var ég ekki viss hvað ég hefði komið mér í:S

Í þessari ferð kom mjög vel í ljós hvað Ísland er fáránlega lítið. Ég hitti Ingrid frá Noregi sem þekkir Mæju vinkonu Aspar og Ingu, Hönnu frá Þýskalandi sem þekkir Adda Hjartar og svo hitti ég Pálu sem þekkir Þórhildi. Skemmtileg tilviljun.

Nú þegar átti að fara heim kom náttúrulega "snowstorm" og það var þriggja tíma seinkun á flugvélinni minni. Ég var hins vegar mjög heppin því flestum flugum var aflýst en ég verð nú bara að segja að þetta var sko enginn snjóstormur. Í fyrsta lagi var blanka logn og svo var kannski 5cm snjór (slyddusnjór) og sól, bara ótrúlega fallegt veður! Veðrið var nú samt verra eftir því sem norðar dróg en það væri sko aldrei flogið á Íslandi ef þetta væri standardinn.
Washington Circle i "snowstorm":)

En nóg um það og eitt er víst að ég þarf að fara til D.C. aftur því ég á sko eftir að sjá helling þar.

Superbowl

2006-02-06T20:45:00.000-08:00

Jæja kannski kominn tími til að blogga pínu:)
Í gær var Superbowl hin ógurlega og það var náttúrulega partý í tilefni þess. Verð nú samt að viðurkenna að ég fór ekki í partýið leiksins vegna enda hef ég enn ekki hugmynd um hverjar helstu reglur eru (ég held að reglurnar gætu vel fyllt 1000bls bók eða meira, endalausar undantekningar á undantekningunum o.s.frv.). Seahawks frá Seattle kepptu á móti Steelers frá Pittsburgh og þar sem maður verður alltaf að halda með einhverjum og ég bíst svona fastlega við að Seattle sé áhugaverðari borg en Pittsburgh ákvað ég að halda með Seahawks. Ég veit ekki hvort það er af því að ég hef það fyrir vana að halda alltaf með þeim sem standa verr að vígi að þeir töpuðu eða hvað en ég get nú a.m.k. sagt að ég grét ekkert sérstaklega mikið (ólíkt öðrum);).

Búast má við miklu bloggleysi næstu vikuna þar sem á morgun er ég að fara í rosaferðalag til Washington D.C á e-a Fulbrigh ráðstefnu. Það verður eflaust gaman en mjög kalt.

PS. var að horfa á Kastljósið síðan á sunnudaginn og hvern haldiði að ég hafi séð annan en mig! Reyndar mikið blurruð út:) enda átti ég ekkert að þekkjast (og geri ekki nema ég bara veit að ég sat akkurat þarna:)).

Fimm sérkennilegir ávanar

2006-01-30T18:23:00.000-08:00

Valla (og já Ösp líka) hafa skorað á mig í spænskum bloggleik þar sem nefna á fimm sérkennilega ávana sem ég hef áunnið mér. Það er enginn skortur á slíku en þar sem ég er náttúrlega orðin svo vön þessum skringilegheitum í sjálfri mér og bý núna í umhverfi sem er svo "politicly correct" að það er sko ekkert skrýtnara en annað vantar mig virkilega e-rn til að benda mér á þá. Ég reyni þó mitt besta:)

1. Tyggjó fer upp í munn strax eftir morgunmat og út rétt fyrir tannburstun um kvöldið. Reyndar er það ekki eitt og hið sama tyggjó allan daginn heldur fara minnst tveir pakkar á dag í þessa óiðju. Veit nú ekkert hversu skrýtið þetta þykir (mér finnst þetta a.m.k. ósköp eðlilegt) en ég á örugglega Íslandsmet í tyggjóáti (ætli ég geti farið í Guinness World Record?).

2.Þegar ég er að drífa mig e-ð (labb hálfhlaupandi), held á e-u þungu eða er að gera e-ð ofurerfitt í ræktinni tel ég endalaust og ofurhratt upp á 10. Veit ekki hvort ég geri þetta til að leiða hugann að e-u öðru eða hvað, mæli samt með þessu:)

3.Alltaf þegar ég fæ mér nammi verður fjöldi þeirra að vera flott tala (margfeldi af 3 eða 5). Ég held samt að þetta sé bara græðgi því ef ég fæ mér bara alveg óvart eitt í viðbót verð ég að bæta tveimur eða fjórum við svo þetta passi nú allt saman:)

4.Yfirleitt fer ég eftir sérstökum alveg fast ákvörðunum ferli þegar ég geri rútínuverk (geri þetta fyrst svo hitt á meðan ég bíð eftir því geri ég annað, það kemur samt ekki í veg fyrir það að yfirleitt er allt í mikilli óreiðu hjá mér (algjörlega tveir aðskildir hlutir í mínum huga)). Til dæmis þegar ég kem úr sturtu fer fyrst augnkremið á svo fleiri krem í vissri röð og meðan ég bíð eftir að þetta fari allt saman inn greiði ég á mér hárið.... Ég vil hins vegar meina að þetta sé bara tímasparnaður (sem fólk sem veit hvað ég er lengi í sturtu hlær kannski að;)) því ég þoli ekki að eyða tíma í e-ð sem er tilgangslaust og leiðinlegt.

5.Ég geng alltaf í svörtum bolum og hef mína ástæðu (sem þeir sem þekkja mig vel vita hver er) fyrir því eins og öðru og þoli ekki þegar fólk segir mér að það færi mér ábyggilega ótrúlega vel að vera í e-um lit! Þetta er það eina sem ég hef fengið ítrekaðar athugasemdir um hér í USA að sé mjög skrýtið (var meira að segja einu sinni spurð afhverju ég gengi ekki eins og venjulegar stelpur í hvítu og bleiku, getur e-r séð mig fyrir sig í þeim litum? Varð bara að játa að það væri bara ekki alveg ég:)).

Jæja ég gæti nú örugglega haldið endalaust áfram, nú og svo gætu fleiri örugglega bætt helling við sem mér finnst bara ósköp eðlilegt en er það kannski bara alls ekki.

Ég skora á Írisi og Söru Natalíu (vil vita hvað maður er fljótur að koma sér upp svona ávönum), Þórhildi og Tryggva (þar sem þau hafa verið afspyrnuléleg að blogga á nýju ári), Rakel (hefur a.m.k. fastákveðnar skoðanir um hvernig á að framkvæma ýmsa hluti), Ragnheiði Ástu (lumar eflaust á e-u) og Þóru frænku (því ég er forvitin).

Hallósmalló

2006-01-24T08:08:00.000-08:00

Í gær fór ég að sjá myndina (upprunalega voru þetta þrír heimildarþættir á BBC held ég) The Power of Nightmares- The Rise of Politics of Fear. Mæli með að fólk sjái hana ef það getur, vara samt við að hún er alveg rúmlega þrír tímar (hún er samt ekkert langdregin).

Yfir í annað sem mér hefur lengi fundist alveg fáránlega hallærislegt: Fólk sem hjólar beint í baki og með krosslagðar hendur! Sérstaklega þar sem hjólastígarnir hérna eru allir fullir af bungum, sprungum, holum (gat ekki rímað endalaust;)) auk þess sem traffíkin er gríðarleg (já ég hef lent í umferðarteppu á hjóli). Ég get ekki ímyndað mér að viðbragðsflýtin sé neitt sérlega góð í þeirri stellingu. Mér finnst þetta svona eins og tilraun til að vera ofur cool sem fellur svo algjörlega um sjálfa sig. En nóg af tilgangslausu þrasi:), heimadæmin bíða!

Okuskirteini/island

2006-01-16T09:06:00.000-08:00

Af því tilefni að Björn bróðir minn var að vinna í LA í síðurstu viku ákvað ég að skella mér þangað. Hálf skammarlegt að hafa verið hérna svona lengi og ekki kíkt þangað. Þar sem meiri hlutinn af því sem við gerðum er algjört leyndarmál get ég ekki sagt öll smáatriði fyrr en eftir nokkra mánuði. Ég get þó a.m.k. sagt að það var mjög gaman og ég hitti helling af frægu fólki.

Ferðalagið byrjaði á því að ég hjólaði út á lestarstöð en þar beið mín rúta en ekki lest! Rútan átti svo að ferja okkur að aðallestarstöðinni í Santa Barbara. En hún var náttúrulega örfáum sætum of lítil (þeir hefðu nú getað sagt sér að það sjálfir að það yrðu margir í lestinni þar sem þetta er löng helgi í USA) svo fara þurfti tvær ferðir. Lestin varð því klukkutíma of sein og ég kom til LA í myrkri sem var frekar óheppilegt þar sem ég rataði náttúrulega ekki neitt.

Til að taka lest í USA þarf að sýna skilríki. Ég nennti ekki að ná í passann minn svo ég ákvað að tékka hvort þeir tækju íslenska ökuskírteinið mitt. Mér til mikillar undrunar kvartaði konan ekkert yfir því og það var ekki fyrr en ég þurfti að sýna miðann að ég tók eftir því að ég heiti víst OKUSKIRTEINI/ISLAND! Kannski eins gott að það kom ekkert fyrir þessa lest;)

Í lestinni sat ég svo hliðina á stelpu sem er í bekknum sem ég er að kenna, sem betur fer gat ég aðeins hjálpað henni með heimadæmin fyrir næstu viku (sem ég var annars ekki búin að kíkja á).

Ég verð nú að segja að stóð mig nú bara nokkuð vel í stórborginni, kortlaus. Mér tókst að finna aðalsvæðið í Hollywood, Kínahverfið og miðbæinn á met tíma. Auðvitað tókst mér svo líka að finna skemmtilegar búðir og eyða allt of miklu;)

Komin til Santa Barbara

2006-01-10T10:06:00.000-08:00

Jæja, ég ætlaði að setja inn e-a voða flotta mynd núna en það tókst því miður ekki, eins og það gekk nú vel síðast. Hef á tilfinningunni að þetta verði langt blogg.

Eftir ansilangt og fremur skrautlegt ferðalag komst ég loksins til Santa Barbara. Frekar fyndið að við vorum 7 Íslendingar sem fórum með alveg sömu flugvélum alla leið til Santa Barbara.

Á Keflavíkur flugvelli byrjaði gamanið á því að brunakerfið fór í gang en auðvitað hreyfði sig enginn. Nú svo fór e-ð aðeins að leka úr loftinu og þá fór maður svona að pæla hvort það gæti nú verið kviknað í og þetta væri slökkvivatnið (æ maður má stundum nota vitlaus orð:)). Síðan breyttust droparnir í bunu og bunan í foss!. Áður en leið á löngu var svo komið flóð á gólfið og það þurfti að loka helmingnum af innritunarkössunum (eins og þeir séu ekki nógu fáir fyrir).

Ferðalagið gekk nú ágætlega þangað til við komum til JFK. Vélin okkar var of sein svo við höfðum innan við klukkutíma til að ná næstu og auðvitað týndist ein taska svona til að gera þetta enn meira spennandi. Ekki spillti heldur fyrir að allir vísuðu okkur fram og til baka. Með frábærri samvinnu okkar Brynjars tókst okkur nú samt á e-rn óskiljanlegan hátt að ná að tilkynna töskumissinn og ná flugvélinni.

Allt gekk nú svo ágætlega eftir það (fyrir utan gífurlega þreytu, enda 20 tíma ferðalag sem endaði 10 um morguninn daginn eftir). Einn Íslendingurinn "missti" nú reyndar af síðustu vélinni (Vegas freistar;)) svo við sátum uppi með 5 fáránlega stórar töskur á Santa Barbara flugvelli enga leigubíla. En það reddaðist á endanum eins og annað;)

Á laugardaginn hittust svo allir vélarkrakkarnir yfir mat og eftir það var "djammað"(það er alltaf allt á rólegri nótunum en heima verð ég að segja). Og á sunnudaginn fékk ég svo loksins að flytja heim til mín (sem var örugglega mikill léttir fyrir Söndru greyið sem þurfti að hýsa mig þangað til).

Björn bróðir minn er svo í LA núna svo það gæti verið að ég færi að heimsækja hann þar, kemur allt í ljós seinna.

Nú svo á er hún Vala litla systir mín 11 ára í dag, úff hvað hún er orðin gömul;)

Ég fór í fyrsta blak tímann minn áðan og ég verð nú að segja að Bandaríkjamenn eru nú svolítið fyndir. Það er ein regla í timununm og hún er sú að maður verður að vera í stuttermabolum sem þeir lána okkur og eru merktir skólanum og íþróttadeildinni. Nú svo fáum við líka stuttbuxur og handklæði ef við viljum. Þegar þetta er svo allt orðið skítugt skilar maður því bara og fær hreint í staðinn (og við borgum bara $5 fyrir þessa þjónustu allt árið!). Mér líður eins og í fimm stjörnu líkamsræktarstöð nema að allt annað er ekki næstum eins fansí:)

Daginn eftir að við komum hingað var maður drepinn fyrir utan baðherb.gluggann hans Brynjars. Frekar skerí, ég sem hélt að það væri allt svo öruggt hér. Greinilega ekki alveg.

Þá held ég að tilkynningaskildu minni sé lokið;)

Gleðilegt ár!

2006-01-04T16:23:00.000-08:00

Ekki nógu dugleg að blogga núna, enda pínu mikið að gera. Er að fara út á morgun, en á s.s afmæli í dag, víví, allof gömul samt. Get þó alltaf huggað mig við að Svanhildur er alltaf 11 árum eldri;)

Þar sem ég get því miður ekki þótt ég svo sannarlega vildi heimsótt alla áður en ég fer hef ég bara ákveðið að vera heima í kvöld og allir mega kíkja í heimsókn sem nenna:) Það er samt allt í drasli:)

Úbsí dúbsí:)

2005-12-28T08:44:00.000-08:00

Ég gleymdi að linka á Völlu! Var alveg viss um að ég hefði gert það en greinilega ekki. Ástæðan er samt sú að ég hermdi flesta linka af hennar síðu svo auðvitað var hún ekkert að linka á sjálfa sig;) En hér með biðst ég formlega afsökunar á því Valla;)

Vona að allir hafi haft það gott um jólin og þar sem ég sendi aldrei nein jólakort segi ég bara hér gleðileg jól og farsælt komandi ár.

Graskeraskurður

2005-12-19T05:32:00.000-08:00

DSC00748
Originally uploaded by asdishelgad.

Ég er að prófa að setja inn myndir;) Graskeraskurðsmyndin varð fyrir valinu svona til að byrja með;)

Var líka að setja inn linka svo ef þið takið eftir að það vanti e-rn látið mig vita:)

Komin heim!

2005-12-15T14:05:00.000-08:00

Ég er loksins komin heim í rosalangt jólafrí:)

Síminn minn ákvað náttúrulega að bila rétt áður en ég kom heim. Hversu óheppin get ég verið með síma?!? Að vísu datt sá fyrsti í tjörnina og annar fór í pínku flugferð en ég sver það kom ekkert fyrir þennan. Hann bara dó algjörlega! Þeir náðu nú að laga hann á Íslandi (en ég var algjörlega símalaus í tvær vikur úti, enginn heimasími eða neitt). Og í ofanálag týndust ÖLL símanúmerin mín! SKAMM SKAMM allir sem ekki eru í símaskránni, hef ekki hugmynd hvað síminn er hjá ykkur! Svo gleymdi ég líka íslenska símkortinu mínu úti svo núna er símin minn 8694488.

Thanksgiving og Yosemite!!!

2005-11-27T15:54:00.000-08:00

Síðasta fimmtudag var Thanksgiving sem þýðir 4 daga helgi. Verð að segja að mér finnst þetta ágætis hátíð, allir í rosagóðu skapi og fara heim til fjölskyldunnar að borða (alltof mikinn) kalkún. Ekki heldur amalegt að fá 4 daga helgi þegar maður er ekki einu sinni vanur að halda upp á neitt svona rétt fyrir prófastressið.

Þar sem ég bý á campus var mér hent út yfir Thanksgiving (veit nú ekki hvort það er í anda hátíðarinnar en það varð nú raunin samt). Þar sem alþjóðlegu stúdentarnir voru að fara í Yosemite fannst mér tilvalið að skella mér með.

Og VÁÁ hvað það er fallegt þarna. Eftir næstum 8 tíma rútuferð komum við í myrkri á áfangastað. Við gistum í ÓHITUÐUM tjaldkofum( sem þýðir bara að nokkrar spýtur halda tjaldinu uppi í stað tjaldstanga og við vorum með "hurð" sem reyndist bara vera flugnanet). Þar kom sér vel að vera Íslendingur og kunna þar með að klæða mig eftir veðri hafa sem ungabarn sofið úti í gaddi!:). Daginn eftir þegar við vöknuðum komumst við að því að við vorum í mjög mjóum dal og fjöllin í kring voru a.m.k km. hærri en við, ótrúlega magnað. Því miður var ansi blautt þennan dag og skyggni um 10m eða svo en við ákváðum nú samt að fara í smá fjallgöngu (9-10mílur, 15-17km held ég). Við skoðuðum Yosemite Falls og ég verð nú að játa að ég hef séð mikilfenglegri piss en þetta. Þrátt fyrir rigninguna (sem var svo mikil að ég varð alveg gegnvot þrátt fyrir að vera í öllu vatnsheldu) þá var nánast ekkert vatn í fossinum enda vor víst besti tíminn til að skoða þá. Nóttina efir var frost og þar sem við reyndum að þurrka fötin okkar inni í tjaldinu vöknuðum við við að allt var blautt í tjaldnu. Veðrið var hins vegar miklu bjartara og við ákváðum að ganga upp á Glacier Point. Leiðin var álíka löng og daginn áður en í stað rigningar kom nú snjór og mjög sleipir gagnstígar (ekki gott þegar gögnustígurinn er um 1m og lóðréttur km á aðra hlið og fjallsveggur á hina). Útsýnið var fáránlega flott! en vá hvað það var kalt. Um jólin ætla ég að búa til myndasíðu svo þið trúið mér;)

Jæja þegar við komum niður komumst við að því að okkur hafði verið hennt út af staðnum vegna láta og við fengum líka 350 dollara sekt!(ég sver það að ég fór að sofa um 10 bæði kvöld, það mátti sko ekki hafa læti eftir það) og við þurftum því að eyða nóttinni í rútu á leiðinn heim. Við komum svo til Santa Barbara kl 5 um morguninn og ég mátti ekki fara inn til mín fyrr en 8 klst seinna! Við misstum líka af því að sjá kaliforíurauðviðinn (sequoia, risatré e-r;)) sem við ætluðum að sjá á leiðinni heim. Svolítið pirruð.

En eitt er víst ég ætla sko að fara aftur í Yosemite og leita hér með að tiltölulega hljóðlátum ferðafélögum!;)

Einangruð?

2005-11-19T10:08:00.000-08:00

Hversu úr sambandi við umheiminn getur maður verið!? Ég fylgist greinilega ekki nógu vel með fréttunum hér þegar ég les á mbl.is að já það eru víst miklir skógareldar mjög nálægt mér! Santa Barbara er nú ekki í neinni hættu en mér er nú sama, kannski betra að vita aðeins hvað er að gerast í nánasta umhverfi;) Þarf greinilega að bæta inn á dagplanið mitt: fréttatímar milli 5 og 6:) Er annars e-ð annað og merkilegra búið að gerast í heiminum sem ég hef misst af?

Annars af fréttum hér (sem er greinilega svona 20m radíus í kringum mig þá stundina;)) þá var brjálæðslega gott veður í dag, 27°C sól og nánast logn. Af því tilefni ákvað ég að læra á ströndinni. Það var æði, gott veður, þvílíkt útsýni og svo kom e-r strákur og spilaði á gítar. Getur maður beðið um meira?

Sjálfsvörn

2005-11-17T15:05:00.000-08:00

Í gær sá ég auglýst sjálfsvarnar námskeið í húsinu við hliðina. Ég kann ekki neitt í neinu slíku svo mér datt í hug að það væri sniðugt að kíkja. Var greinilega ein um það því ég var sú aleina sem mætti!!!(fyrir utan einn strák sem var hent út af því að sjálfsvörn væri bara fyrir stelpur!!! frekar undarlegt viðhorf) Frekar fyndið að hafa 5 manneskjur bara að kenna mér e-r trix. Verð nú bara að segja að þetta var nokkuð fróðlegt, ýmislegt ansi auðvelt en furðulega öflugt;) Ótrúlegar staðreyndir sem ég heyrði þarna sem ég bara neita að trúa að séu sannar (fólk sem veit betur endilega kommentið á þetta) t.d.

Fjórða hver stelpa í UCSB verður fyrir kynferðislegri áreitni
Að meðaltali hafa nauðgarar nauðgað 17 sinnum áður en þeir nást
98% af kynferðislegri áreitni er frá kunningjum (hef reyndar heyrt það áður)

Annars er ég bara á fullu að læra, fara yfir skyndipróf og reyna að finna mér prófessor og rannsóknarverkefni, e-ar hugmyndir? híhí;)

Sinfó

2005-11-13T09:49:00.001-08:00

Í gær dró Fríða Sigga mig í sinfóníutónleika hérna í Santa Barbara af því að það var e-r sellóeinleikari (Zuill Bailey ef þið vitið hver það er;)) að spila með hljómsveitinni. Það var bara mjög gaman. Við lækkuðum hins vegar bæði meðalaldur og meðalteknjur gesta allverulega og voru án efa einu manneskjurnar sem tókum almenningsstrætó heim eftir tónleikana;)

Fyrir utan salinn voru flestar tegundir hljóðfæra sem spilað var á á tónleikunum og fólki var leyft að prófa, held að ég leggi ekki fyrir mig hornleik;) Híhí annars var salurinn mjög fyndinn, leit út eins og spænsk gata og það var svo raunverulegt að í svona 10 s var ég ekki viss hvort ég var inni eða úti.

Annars var frídagur á föstudaginn, alltaf gaman þegar maður fær svona aukafrídaga sem maður býst ekki við, og já Þórhallur litli bróðir minn átti afmæli, víví. Hann er samt orðinn alltof gamall!

Annars þarf ég núna að finna mér prófessor sem ég vil vinna með, úff ég hef bara ekki hugmynd, æ það hlýtur að reddast;)

Stutt putt

2005-11-06T12:05:00.000-08:00

Jæja langt síðan ég hef skifað e-ð hér eins og Ösp benti á;) Það er bara búið að vera brjálað að gera sérstaklega af því að mamma er í heimsókn hérna. Hún kom með helling af íslensku nammi og NÓG af Extra með eucalyptus;)

Í gær héldu strákarnir annað party (svona frekar rólegt matar/blaðurparty en mjög skemmtilegt samt;)) og ég gaf öllum brennivín og ópal skot sem mamma kom með. Frekar fyndið að sjá viðbrögðin hjá þeim, ekki alveg vön þessu bragði. Og þeir sem þekkja mig vel vita hvað mér finnst tryllt fyndið að gefa e-um e-ð ógeð og hlæja að þeim, híhí;) (nei ég er kannski ekki alveg svo slæm:) eða hvað)

Halloween var frekar fyndin. Meiri hlutinn bara klæddur í nærföt (strákar í G-streng og stelpur í bara venjulegum hvítum nærjum og brjóstahaldara (ég lét mér nægja venjuleg föt og nornahatt)) og allir bara vöfruðu um göturnar. Svo lítið eins og úthátíð án tónlistar (hún er sko bönnuð eftir 12:15) og víns (bannað að vera með það úti) og já kannski ekki týpístur íslenskur útileguklæðnaður. Já ég hef nú gert ýmislegt skemmtilegra en það var gaman að sjá þetta eins og annað;)

Nú þar sem Halloween er búin vantar tilfinnanlega skreytingar í allar búðir (því bandaríkjamönnum finnst greinilega tómlegt án þeirra) svo það er ekki annað hægt en að setja jólaskrautið út 1. nóv! Mér finnst að þetta ætti að vera bannað!!! Ég var líka að hlusta á útvarpið og gafst upp eftir tvö jólalög í röð! Ég verð svo komin með nóg af jólunum þegar þau loksins koma.

Meira seinna:)

Læknir

2005-10-24T18:25:00.000-07:00

Áðan ákvað ég að prófa læknisþjónustuna hérna í skólanum. Vöðvabólgan var aðeins að seinka prófalærdóminum um helgina svo ég ætlaði að sjá hvort ég gæti ekki fengið tilvísun til sjúkraþjálfara. Verð nú bara að segja að þetta var upplifun útaf fyrir sig!

Ég hélt að tilvísun væri bara smá skoðun og ein undirskrift en það var greinilega algjör misskilningur. Fyst var ég mæld (maður fær nú oft hita þegar maður er með vöðvabólgu:)), blóðþrýstingur tekinn (annað greinilegt merki um vöðvabólgu:)), púls tekinn. Svo ég var hæðarmæld, þyngdarmæld (mér leið eins og í grunnskóla), þurfti að rifja upp tíðarhringinn (því hann ruglast einmitt líka við vöðvabólgu) og svara alveg fáránlega löngum lista um sjúkrasögu mína og annarra ættingja! Síðan fékk ég heljarinnar fræðslu um vöðva, bein og liðamót í bakinu (sem var nú reyndar alveg ágætt), röntgenmynd var tekin og ég þurfti að lýsa nákvæmlega hvernig og hvar verkirnir væru.

Já 1,5klst eftir ég steig inn í húsið (og einmitt þegar ég átti að vera í tíma) mátti ég loksins fara. Hefði kannski frestað þessu ef ég hefði vitað vesenisstigið á þessul, reyndar er ég alveg viss um að þá hefði ég bara látið mig hafa það og aldrei farið;)

Grada, peida

2005-10-21T21:13:00.000-07:00

Ég held að ég sé búin að finna hvað er það leiðinlegasta í öllum heimi: að fara yfir heimavinnu og skyndipróf! Ég var að klára að fara yfir 130 heimadæmi og hef nánast ekki gert annað síðan á miðvikudag!

En nóg um það, ótrúlega langt síðan ég skrifaði hérna síðast(og vá í fyrsta skipti með íslenskum stöfum:)). Það er bara búið að vera brjálað að gera. Heimavinna langt fram eftir nóttu og annað eins. Svo eru líka að fara að koma midterms:S Frekar fyndið hérna hvað allt er ofurrólegt hérna (enginn að stressa sig yfir neinu) nema í skóla og læri fílingnum, þar er sko reynt að kenna manni jafn mikið efni og heima nema bara á 10 vikum!

Annars er líka alveg nóg að gera í félagslífinu, svolítið öðru vísi en heima en gaman samt. Á morgun verður vöflumorgunmatur í húsinu mínu, graskeraskurður með verkfræðikrökkunum (aldrei skorið grasker áður) og um næstu helgi verður hin alræmda Halloween! Santa Barbara er víst þekkt fyrir að vera aðalstaðurinn til að skemmta sér á Halloween. Hingað koma 60þúsund manns og já snúa öllu við. Þar sem ég bý á dorminu(með 18ára stelpum) varð ég þeirrar ánægju aðnjótandi að hlusta á officer Miller segja okkur (í 1,5klst stundum geta þessir kanar talað endalaust!) allt um það hvernig maður endar í fangelsi á Halloween. Það er víst alveg nóg að vera fullur, ganga um með bjór, neita að segja hver maður er.... (og sektirnar hlaupa á þúsundum dollara!). Allt frekar undarlegt, ég hélt að maður væri svo frjáls hér (greinilega annað mat á frelsi hér en heima).

Á Halloween verður maður víst að vera í búning og helst hafa fimm stykki (einn fyrir hvern dag fim til mán) og það er víst allt leyfilegt svo framarlega sem hægt er að bæta orðinu slut aftan við (ef búningurinn er meira en brjóstahaldari og boxer þá sker maður sig víst verulega úr). Gott að mamma skuli vera að koma í heimsókn yfir Halloween;)

PS. Bókstafurinn h datt af tölvunni minni og er brotinn, svo ég fékk nýtt lyklaborð. Það verður skrautlegt að skipta um það!

Thad sem ther dettur i hug!!!

2005-10-09T19:16:00.000-07:00

I vikunni sem leid datt mer i hug ad fara ad versla a hjolinu minu. Eg keypi adeins meira en eg aetladi mer og ja endadi med: 10L flosku af vatni, 3 stora hagkaupspoka, ohreinatauskorfu og ja stort straubretti!. Nu svo af thvi ad eg a ekki Kaliforniu skilriki (og debetkortid mitt sem eg pantadi fyrir manudi er ekki komid, se okkur i anda saetta okkur vid thad heima) tha vildu their ekki taka vid tekkanum minum (ja their nota enntha tekka herna!). Svo eg thurfti ad borga med peningum (og sleppa namminu minu) og tha atti eg ekki lengur fyrir staeto heim;S Jaeja tha byrjadi nokkura km ganga heim med hjol og allt draslid ad ofan. A medan eg labbadi heim vard dimmt og allir heldu ad eg byggi a gotunni. Kannski serstaklega af thvi ad mer fannst thetta svo fyndid ad eg var hlaejandi alla leidina;) Thad faranlega er samt ad thetta er i thridja sinn sem eg fer ad versla a hjolinu og enda med allt of mikid drasl. Vona ad allt se thegar thrennt er og eg lati til segjast (eg get kannski ekki gert allt), kannski eg hringi bara i e-rn sem a bil naest;)

I gaer for eg i Universal Studios med international krokkunum. Thad var bara mjog gaman, en ef eg fer thangad aftur verd eg bara i mummy russibananum, hann var eiginlega eina almennilega tivolitaekid (eg veit thu varst fyrir vonbrigdum Valla en thu hlytur ad vera sammala ad thad var a.m.k. ekkert annad taeki sem var betra).

Undur og stormerki gerast enn, eg fekk tolvuna!!! Hun kemst i gagnid innan tidar;)

Ps. Adan stal e-r hjolalasnum minum en skildi hjolid mitt eftir, eg kvarta nu ekki en hvad hefur folk ad gera vid las an lykils?

Teiti (eg var buin med party smarty ;))

2005-10-04T13:53:00.000-07:00

Thar sem thad eru engar visindaferdir herna og thvi frekar erfitt ad kynnast ollum hinum sem voru lika ad byrja i velaverkfraedi akvadum vid Sandra ad thad yrdi e-r ad halda party. Nema hvorug okkar byr i husnaedi sem leyfir partyhold (eg er i 10fermetra herbergi og thad a ad vera hljod eftir half tiu!) svo okkur datt su snilldar hugmynd i hug ad halda thad bara heima hja strakunum sem eg aetladi ad leigja med! Svo vid bara tilkynntum theim thad, fyrst i djoki natturulega en svo thegar their virtust ekkert hafa a moti thvi tha var natturulega ekki haegt annad en ad halda partyid;) hihi madur getur nu stundum ferid svolitil frekja;)

Thetta var natturulega ekki svona party party heldur adeins fagadra en gengur og gerist en samt mjog skemmtilegt. Sandra eldadi otrulega godan libanonskan mat ofan i 15 manns og eg gaf theim islenskt nammi ( Noa-Kropp (sem theim fannst mjog fyndid thvi thad hljomadi eins og crap), kulusukk, graent opal (sem var ovinsaelast og thegar eg sagdi ad thetta vaeri krakka nammi fannst theim thad agaetis hugmynd ad gefa krokkum tad thegar thau vaeru othekk;), samt klarudust tveir risapakkar;)) og svo thad litla sem eg atti eftir af eucalyptus extra) sem gekk nu bara furdu vel ofan i thau og eg er buin ad lofa ad gefa theim meira tegar mamma kemur i heimsokn. Eg set inn myndir um leid og eg fae tolvuna mina.

Kaupikaupi

2005-09-29T14:11:00.000-07:00

Uff stundum er sko ekki gaman ad versla herna!

I gear thurfti eg ad kaupa ymislegt sem eg hef ekki fundid thegar eg hef farid i adra verslunarleidangra svo thad var nu kannski fyrir fram daudadaemt.

Eg a.m.k. lagdi af stad i pilsi a karlmannshjoli (nu veit eg afhverju thad eru til ser stelpu hjol) og allt sem eg keypti for i korfu framan a ( thad er alveg faranlega erfitt ad styra hjoli thegar hun er full). Eg komst nu svo sem alveg klakklaust i gegnum thessar hormungar en erfidara var ad finna allt sem mig vantadi. Eg fekk samt alveg hreint aedisleg rad fra mjog gafudu folki.

Fyrst vantadi mig spritt og madurinn sagdi mer bara ad nota hydrogenperoxid thad vaeri mikid betra (kannski ef eg vaeri med sjalfspiningarhvot).

Svo fann eg ekki saltvatn fyrir linsur og madurinn sagdi mer ad kaupa bara te!!! (passa samt ad thad vaeri ekki graent thvi thad vaeri e-d adeins verra)

Svo var aetladi eg ad kaupa augabrunalit og tha var bara til venjulegur harlitur i vokvaformi og ja ef e-d sma lekur i augnun tha "serius damage" en thad atti allt ad reddast med sma vasilini!

Nu svo er eg buin ad vera i daglegu sambandi vid Dell sem vilja alltaf allt fyrir mig gera nema kannski selja mer tolvu, thvi i hvert sinn sem eg tala vid tha virdist allt fara til andskotans!

Jaeja nog af vaeli. Vedrid sidustu daga hefur verid alveg faranlega gott (eiginlega bara ofheitt, i dag eru 35 gradur skv. skolaheimasidunni!) og ef thad aetlar ad vera svona heitt afram verd eg ad kaupa fleiri pils, vona ad sa innkaupaleidangur gangi betur;)